Қазақстан: Карантинді жыл соңына дейін ұзартуды ұсынды

Медицина ғылымдарының докторы, ҚР Ұлттық ғылым академиясының академигі, Қазақстандық репродуктивті медицина қауымдастығының президенті Вячеслав Локшин Қазақстанда карантиннің күшейуіне байланысты үндеу жариялады.

«Бақытымызға орай, аурудың 70 пайызы симптомсыз түрде кездеседі. Бірақ елдегі клиникаларға баратын 30, 20, тіпті, 10 пайыздың ағымы біздің медициналық қызметімізге тым ауыр болып шықты. Карантинді ұзарту - өте дұрыс шешім. Менің ойымша, карантинді жылдың аяғына дейін ұзарту керек. Біз көптеген стадиондарды төсек-орынмен толықтыра аламыз. Бірақ бұл мәселенің шешімі емес. Бізде соншалықты дәрігерлер көп емес және қаржылық ресурстар жетіспейді... Пандемиямен тек карантиннің көмегімен күресуге болады», - деді профессор.

COVID-19 жұқтырған адамдар санының артуына байланысты республика үкіметі 5 шілде мен 2 тамыз аралығында карантиндік шараларды қатаңдату туралы шешім қабылдады. Осыған байланысты, азаматтарға көмектесу және дүрбелең тудырмау үшін танымал репродуктивті дәрігер медицинаға ешқандай қатысы жоқ адамдардан әлеуметтік желілерде жіберілген хабарламаларға сенбеуін өтінді.

«Ақыр соңында біз белсенді қарым-қатынасты тоқтатамыз және науқастардың саны азаяды. Біз мұны жақын күндері көреміз. Біз жақындарымыздан, көптеген науқастардан айырылып отырмыз. Дәрі-дәрмектерде де мәселелер бар», - деді ол.

«Медициналық білімі жоқ көптеген спикерлер шықты. Біз олардың көздеріне жас алып, дүрбелең хабарларды таратқанын көріп отырмыз. Бұл - ең нашар кеңесші. Бүгін біз сабыр сақтап, карантин шараларын қатаң сақтауымыз керек», - деді профессор.

Локшин коронавирустық инфекция белгілері болмаса, үйде болуға шақырды. Жеңіл симптомдар пайда болған жағдайда «Парацетамол» мен аскорбин қышқылынан басқа ештеңе қабылдауға болмайды.

Академиктің айтуынша, жоғары температура мен ентігу пайда болған кезінде медициналық көмекке жүгіну керек, өйткені бұл жағдай ауруханада ғана емделеді.

Басып шығару

Пікір қосу

Janalyqtar toptamasy