Үкімет бөлген 6 трлн. теңге қайда?

  • 06 май, 19:57
  • Көрілім: 316


Қазақстан үкіметі дағдарыстың алдын алып, әлеуметтік-экономикалық тұрақтылықты сақтау үшін 5,9 трлн теңге қаражат бөлген. 

«Мемлекеттік бюджеттен 3,4 трлн теңге, бюджеттен тыс қорлардан 2,5 трлн теңге бөлінді», - деп хабарлады Қаржы министрлігі. 

Бұл қаражат жұмыс орындарын қамтамасыз ету үшін, табысын жоғалтқандарға ай сайын жәрдемақы төлеу үшін, әлеуметтік төлемдер, тұрғын үй құрылысы, салық төлемдерінің орынын толықтыру үшін қарастырылған. 

«Жұмыспен қамту жол картасына» 1 трлн теңге қарастырылған: оның 300 млрд теңгесі бюджеттен, қалғаны бюджеттен тыс қорлардан. Бұл қаражат жаңа инфрақұрылымдар салып, 255 мың жаңа жұмыс орынын ашуға жұмсалмақ. Айналымдағы капиталды жылдық өсімі 6 пайыз көлеміндегі жеңілдетілген несиелендіру мен инвестициялық жобаларды 8 пайызбен несиелендіру көзделіп отыр. бұл әрекет «Қарапайым заттар экономикасы» бағдарламасы арқылы іске асып, бөлінген ақшаның 1 трлн теңгесін игермек. Сондай-ақ, 4,5 миллионнан астам азамат Төтенше жағдайға байланысты табысын жоғалтқаны үшін мемлекеттен 1 минималды табыс көрсеткіші (42,5 мың теңге) жәрдемақы алады. Бұл үшін 370 миллиард теңге қарастырылған. Елдегі тұрғын үй құрылысының көлемін 15 млн шаршы метрге жеткізу үшін 390 миллиард теңге бөлінді», - деп жазылған мәлімдемеде. 

Сонымен қатар, салық төлемдерінің орынын толтыру үшін 1,7 трлн теңге қаражат бөлініпті. Ал экономиканың шағын және орта бизнес секторын қолдау үшін 237 миллиард теңге қарастырылған. 

313 млрд теңге әлеуметтік төлемдерді 10 пайызға көтеруге жұмсалмақ. Сонымен қатар бұл қаражатқа коммуналдық төлдемдерді шегеру де кіреді. 

«Мемлекеттік бағдарламалардың ауқымын кеңейту үшін 240 млрд теңге бөлінді, оның ішінде: агроөнеркәсіптік кешендерді субсидиялау үшін 50 млрд теңге, «Еңбек» мемлекеттік бағдарламасы аясында еңбек нарығын дамыту үшін 50 млрд теңге, «Бизнестің жол картасы – 2025» бағдарламасына 84,5 млрд теңге, «Ауыл – Ел бесігі» бағдарламасына 55 млрд теңге, эпидемияға қарсы күрес қызметі үшін 125 млрд теңге, Мемлекет басшысының азаматтар мен экономиканы қолдауға бағытталған шараларына 575 млрд теңге қарастырылды», - деп жазылған министрлік мәлімдемесінде. 

Бөлінген қаражатты игеру барысында басқа да мәселелер, мысалы, Нұр-Сұлтан қаласындағы жолдар мәселесі де шешілмек. 

Сондай-ақ оқыңыз

Пікір қалдыру