Құралайды көзге атқан

Нью-Делиде (Үндістан) стенд  және нысана атудан әлем чемпионаты өтуде.

Үндістандағы Әлем Кубогы (Нью-Дели қаласы) рейтингтік турнир болып саналады, демек, біздің спортшылар Олимпиада лицензиясын жеңіп алуға бір табан жақын деген сөз!

Қазақстан спорты тарихында біздің спортшылар тұңғыш рет   Әлем кубогы сатысында алтын жеңіп алды!

Жалпы командалық есепте әйелдер құрамасы алтыннан алқа тағып, чемпион атанды!

Команда құрамындағы Зоя Кравченко, Рината Насырова, Ольга Панариналар асқан мергендік танытып, спортсүйер қауымды ерекше тәнті етті.

 Ал ерлер құрамасындағы Почивалов Давид, Мухамедиев Александр, Ещенко Эдуард секілді спортшылар командалық жарыста қола  медаль жеңіп алды! 

СОНЫМЕН, СТЕНД АТУ БОЙЫНША ҚАЗАҚСТАННЫҢ ҰЛТТЫҚ ҚҰРАМА КОМАНДАСЫ ОЛИМПИАДА КВОТАСЫН ЖЕҢІП АЛУҒА ЖАҚЫН!

"Skeet" тәртібі бойынша стенд атудан Қазақстанның ұлттық құрамасы осы Әлем кубогында 3 медаль жеңіп алды! Жарыс жалғасын табуда (2021 жылы 18-29 наурыз аралығы). Оған  әлемнің 33 елінен 300-ден астам спортшы қатысысып жатқанын естеріңізге салғымыз келеді.

Ақтық сында құралайды көзге атқан Зоя Кравченко   күміс   медаль жеңіп алды!

Бұрын осы спорт түрінен Қазақстан мұндай биікке жетпеген екен!

Ұлттық құраманың көптеген өкілі халықаралық дәрежедегі спорт шебері және стенд ату бойынша еңбек сіңірген жаттықтырушы Олег Почиваловтың шәкірттері екенін атап өткен жөн!

Сондай-ақ, олар Қазақстан спорттық ату Федерациясының өкілдері екенін айтсақ артық етпес. Ал бұл жерде Олег Почивалов 

•Стенд ату бойынша Қазақстан Республикасының халықаралық спорт шебері

• Қазақстан Республикасының еңбек сіңірген жаттықтырушысы

• Стенд ату бойынша Қазақстан Республикасының жоғары санатты ұлттық төреші

• «Қазақстандық спорттық ату федерациясы» ҚБ Бас хатшысы

• Азиялық Ату Конфедерация (ASC) Бас Ассамблеясы Атқару Комитетінің мүшесі болып табылады.

«Skeet» тәртібі бойынша ерлер командасы қола медаль жеңіп алды!

Команда құрамында халықаралық дәрежедегі спорт шеберлері Мухамедиев Александр, Ещенко Эдуард және Почивалов Давид сынды спортшыларымыз топ жарды. 

Осындай жетістікке жетіп,    Қазақстан  тарихында бұрын-соңды болмаған жеңіс бәріміз үшін  ортақ!

Фото: olympic.kz