Жоғалған жетеу: Құтқарушылар соңғы мәйітті тапты (видео)

  • 22 июн, 14:20
  • Көрілім: 161

Ағымдағы жылдың мамыр айында Түркістан облысындағы тауда жоғалып кеткен жеті туристің соңғысының денесі табылды.
«22 маусым күні сағат 11:50 шамасында Шымкент қалалық ТЖД жедел құтқару отрядының құтқарушылары Айғыржыққан және Үгем өзендерінің қосылар тұсынан мәйітті тапқан», - деді ҚР ТЖМ өкілі Талғат Уәли. 
Оның айтуынша, белгіленген орынға «Қазавиақұтқару» АҚ тікұшағы жіберілген. 
«Мәйіт сараптама жұмыстарын жүргізу мақсатында полиция қызметкерлеріне беріледі. Іздеу жұмыстары 8 бағыт бойынша жүргізілді. Оған 107 қызметкер, 17 техника, 3 квадрокоптер, 4 кинолог және бір тікұшақ қатысты», - деп түйді сөзін ҚР ТЖМ ресми өкілі. 
Еске сала кетейік, 21 мамыр күні жеті турист Түркістан облысындағы Сары-Айғыр шатқалына кеткен. Олар 24 мамыр күні қайта оралуы тиіс еді. Туристердің жоғалғаны туралы ақпарат 25 мамыр күні жарияланды. 

28 мамыр күні «Қазавиақұтқару» тікұшағы арқылы әуеден шолу барысында жеті туристің үшеуі табылып, құтқарылған. 29 мамыр күні екі туристің мәйіті табылса, құтқарушылар 13 маусым күні тағы бір мәйітті тапқан. Бүгін ең соңғы мәйіт табылып отыр. Туристер ауа-райы бұзылғаннан кейін екі топқа бөлініп кеткен.
Сондай-ақ оқыңыз

Пікір қалдыру