Коронавирус: Ең соңғы жаңалықтарға шолу


Өткен тәулікте коронавирусты әлем бойынша 11 мыңнан астам адам жұқтырып, 475 адам қаза тапқан. Бұл туралы Бүкіләлемдік денсаулық сақтау ұйымы мәлімдеді. 

18-наурыз күнгі ақпарға сүйенсек, коронавирус 154 мемлекетте тіркеліп, жалпы жұқтырғандар саны 197 139 адамға жеткен. Әлем бойынша 7916 адам ажал құшса, 81 738 адам дертінен айығыпты. 

АҚШ-та коронавирус барлық штатта анықталып, жұқтырған бес мыңнан астам адамның 100-ге жуығы қайтыс болған. 

Еуропада коронавирус барлық елге тарады. Францияда инфекция жұқтырғандар саны 7 730 адамға дейін өсіп, 175 адам қаза тапқан. Науқастар саны күн сайын еселеп өсуде. Барлық қозғалыстар шектеліп, адам көп шоғырланатын орындар жабылған. 

Тәулік ішінде Италиядағы коронавирус құрбандарының саны 345 адамнан  2503 адамға бір-ақ жетті. Күн сайын үш жарым мыңнан астам адам инфекция жұқтыруда. 

Қытайда бір тәулік ішінде коронавирус жұқтырған 13 адам табылып, 11 адам ажал құшқан. Айта кетерлігі – вирустың ошағы болған Хубэй провинциясында бір тәулік ішінде ешкімнің инфекция жұқтырмауы. 

Сондай-ақ оқыңыз

Пікір қалдыру