Қазақстанда орташа жалақы 204 мыңға жетті

Ең үлкен жалақы дәстүрлі түрде екі мұнай аймағы мен екі астананың тұрғындарына тиесілі.


Өткен жылдың төртінші тоқсанында қазақстандықтардың орташа айлық жалақысы 203,9 мың теңгені құрады - бұл алдыңғы жылмен салыстырғанда 15,8% -ға көп.

Атырау облысында орташа айлық жалақы 345,2 мың теңгені құрады, бұл өткен жылмен салыстырғанда 7,5% -ға көп. Екінші орында Маңғыстау облысы – жалақысы көлемі 309,1 мың теңге, өсім - 10,9% құрады. «Нұр-Сұлтанда» жалақы 308,1 мың теңгеге жетсе, Алматыда - 248,7 мың теңгені құрады.

Ең жоғары айлық жалақы БҚО (18,5%), Шымкент (17,3%) және Алматы облысында (16,4%) тіркелді.


Оңтүстік халқы тығыз орналасқан облыстардың тұрғындары - Түркістан (барлығы 138,1 мың теңге) және Жамбыл (140 мың теңге)  ең аз айлық жалақының иегерлері болып табылады.

Сонымен бірге, елдегі ең жоғары жалақы «қаржы және сақтандыру» қызметі саласында жұмыс істейтіндерге тиесілі: 402,5 мың теңге.

Алайда, өнеркәсіпте саласында жоғары жалақыны тек тау-кен жұмысшылары алады - 428,3 мың теңге. Өңдеу сегментінде жалақы әлдеқайда төмен -  234,4 мың теңге, ал электр және сумен жабдықтау саласына - 191,6 мың және 132,7 мың теңге тиесілі болып шықты.

2019–2020 жылдардағы ең төменгі жалақы 42,5 мың теңгені құрады. Айта кетейік, 2018 жылы бұл көрсеткіш небары 28,3 мың теңгені құраған болатын.


Сондай-ақ оқыңыз

Пікір қалдыру

Тек тіркелген пайдаланушылар пікір жаза алады.
Тіркеуден өтіңіз немесе кіріңіз