Қытайдан қашқан вирусолог COVID-19 туралы шындықты айтты

Гонконгтан Америка Құрама Штаттарына қашқан вирусолог Ли-Мэн-Янь Қытай билігі коронавирус туралы көп уақыт бұрын білген деп мәлімдеді.

 Оның айтуынша, өзі коронавирусты зерттеген алғашқы ғалымдардың бірі болған.

31 желтоқсанда Қытайдағы ауруларды бақылау және профилактика орталығының ғалымы әрі оның достарының бірі, COVID-19 инфекциясының алғашқы жағдайы туралы хабарлап, вирус адамнан адамға жұғатынын мәлімдеген.

 Мұны білген Янь ақпаратты өзінің жетекшісіне хабарлады.  Алайда ол оның сөздерін елемеген. Сонымен қатар, ДДСҰ референс-зертханасының жетекшісі, профессор Малик Пейрис жағдай туралы білсе де, ешқандай әрекет жасамаған.

ДДСҰ және Қытай коронавирусты жасырды деген арызды қабылдамайды. Ұйым сонымен қатар Янь, оның менеджері Пун және Пейрис ешқашан ДДСҰ-мен жұмыс істемегенін мәлімдеді.

«Біз бұл адам туралы ешқашан естіген емеспіз. Қытай үкіметі COVID-19 басталған сәттен бастап тез және тиімді әрекет жасады. Барлық жұмыстар нақты құжатталған », - деп хабарлады елшілік.

 Айта кетейік, АҚШ билігі бірнеше рет Қытайды коронавирус туралы деректерді жасырды деп айыптады.

19 наурызда Дональд Трамп Қытайды коронавирустық пандемияға «саналы түрде» жол берді деп айыптады. Оның пікірінше, вирус Қытайда тоқтауы мүмкін еді, бірақ қазір оның кесірінен бүкіл әлем зардап шегуде.

 3 мамырда Австралия, Жаңа Зеландия, Америка Құрама Штаттары, Канада және Ұлыбританияның барлау агенттіктері Қытай билігін коронавирустың өршуі туралы мәліметтерді әдейі жасырды және жойды деп айыптады.
Басып шығару