Бірқатар аймақтарда шектеу шаралары күшейеді

  • 02 авг, 09:28
  • Көрілім: 349

Маңғыстау облысының бас санитар дәрігері Ерғали Сыдыманов 3-тамыз сағат 00:00-ден бастап 17-тамыз сағат 00:00-ге дейін қатаң шектеу шараларын енгізу туралы қаулыға қол қойды. Аймақта қалааралық, қала маңындағы және қала ішіндегі көлік қозғалысы шектеліп, такси мен жеке көліктерге ғана рұқсат берілмек. 
Сауда, ойын-сауық және сауда үйлерінің (азық-түлік дүкендері мен дәріханалардан бөлек) жұмыстары тоқтайды. Көңіл көтеру орындары мен кинотеатрлар жұмысы да осы мерзім ішінде басталмайды. Жабық нысандар қатарында фудкорттар мен банкет залдары да бар. Ал қоғамдық тамақтану орындары жеткізіп беру арқылы жұмыс істейді. 
Карантин шаралары Қостанай облысында да қатаң режимге көшпек. Облыс көлемінде 3-17 тамыз аралығында қазіргі шектеу шараларына қосымша құрылыс материалдары мен азық-түліктен өзге тауарлар сататын дүкендердің, басқа да нысандардың жұмысына тыйым салынды. 
Саябақтарға, скверлерге, жағалауларға, жағажайларға, басқа да демалыс орындарына баруға толық шектеу қойылды. Жабық мекемелер мен қоғамдық көліктер ішінде және көшеде маска тағу міндеттелді. 
Алматы қаласының бас санитар дәрігері Жандарбек Бекшин де шаһардағы шектеу шараларының қатаң режимге өтетінін мәлімдеді. Үйдегі карантин тәртібін бұзғандарға айыппұл салынып, стационардағы карантинге ауыстырылады. 
Сондай-ақ оқыңыз

Пікір қалдыру