Алматылықтарға қауіпті жер сілкінісі туралы ескертілді


Сейсмологтар Алматы қаласы мен Алматы облысының тұрғындарына «аса қат дүниелерді жиыстырып қоюға» кеңес берді. Өйткені, соңғы төрт күн ішінде жер асты толқуы төрт рет сезілген. 




Соңғы жер сілкінісі бүгін орын алды. Эпицентр Алматыдан 230 шақырым жерде. 3 балдық жер сілкінісін Талдықорған мен Текелі тұрғындары сезген. 

Мамандар жақын арада үлкен зілзала болуы мүмкін екенін жасырмайды. 

Болжам жиілік периодына қарай жасалған. Алматы облысында ғимараттарды қирататын зілзала 100-140 жылда қайталанып тұрады. Соңғы апат өткен ғасырдың басында болған. Ол кезде апаттан 400-ге жақын адам қаза тауыпты. 

Қайғылы жағдай орын алмауы үшін Сейсмология институты жер қыртысының барлық ахуалын жіті қадағалап отырады. 

«Кез келген уақытта үлкен зілзала болуы мүмкін. Бұл жерде сеймологтар қана емес, күллі мемлекеттік мекеме, тұрғындар түсінуі тиіс. Өйткені, біз апат қайталанатын периодта тұрмыз», - деді Сейсмология институтының аймақтық зертхана меңгерушісі Алла Садыкова. 

Сондай-ақ оқыңыз

Пікір қалдыру

Тек тіркелген пайдаланушылар пікір жаза алады.
Тіркеуден өтіңіз немесе кіріңіз