Алмас ақын атамекенде

РӘМІЗДЕР КҮНІ АТАМЕКЕНДЕ

Мекені деп бабамның,
мекені деп батырдың,
бір шетінен даламның 
боздап келе жатырмын.

Толғанысым қаншама
Атамекен сендегі.
Шетте ғасыр болсам да,
бір күніңе тең бе еді...!

Бұл шумақтарды азамат болып, Ақын болып, Атамекенге алғаш аңсарымыз ауғанда жазғанбыз.    
Бүгінде Атамекеніміздің орталығы Өскеменде бір кісілік көңіліміз үшін сондай мәндегі теңдессіз  күн болды.
 
ҚАЗАҚСТАННЫҢ РӘМІЗДЕР КҮНІ
Ту түбіне топталатын күн. Туды сүйетін күн. Күллі қазақтың көңіл көзімен Көктуға бір қарайтын күні. 
          
          Бұл - мерекені меншігімдей көретінім рас. Дәл қазір осы мерекеге орай Өскемен мен Семейде өтіп жатқан шаралардың кейіпкерімін. Тәуелсіздіктің 30 жылдығын тойлау аясында Рәміздер күні мерекесіне туралап, менің 60 қа толған мерей тойымды жасап жатыр. Атамекені ақын ұлын биікке көтерді. Тіпті, тура мағнасында биікке 1000 метір тау басындағы ту түбіне көтерді. 

         Алтай тауының биігінде Ертісьің самалымен жазыла желбіреген жыйырма құлаштай алып туға түбінде тұрып жыр арнау ақын рухын асқақтататын сәттер. 

Қазақстан Шексіз сүйіп елжіреп,
Аз ғұмырда арнайын мен көп қайрат.
Аспаныңда мәңгі тұрсын желбіреп,
Жаннан қымбат!
Жаннан қымбат КӨКБАЙРАҚ! 

Туға қарап тұрып мен оқыған өлеңнің соңын ақын інім Қалқаман САРИН қаршып алып, шабыттана шалқыды. Бұл мереке бізге рух берді.

Мынадай қыйын уақытта ақынының мерейтойын мерекемен көмкеруге нұсқау берген Обылыс басшысы Даниял Кенжетайұлына, Атамекегіне ақын інісін дәріптеп хат жазған Ұлықбек Есдәулет ағама, “Ұлтсүйгіш, шара Шығыс өлке үшін маңызды” деп қолдап,  үн қатқан мемлекетшіл, әлеуметшіл депутат Ерлан Сайыров ініме, Өскеменнің әкімі Жақсылық Мұқашұлына, Нұротан партиясы облыстық бөлімі хатшысының орынбасары Олег Чугунковқа риза сезіммен сәлем жолдаймын!
      
Өскемен қаласы мәдениетінің бастығы ақын  Қалқаман Саринге, 125 жылдық тарихы бар Пушкин атындағы кітапхана және Оралхан Бөкей атындағы кітапхана ұжымдарына көркем ізденіспен ұйымдастырған кездесу үшін алғыс айтамын.

Алтай теле арнасына сонымен бірге Ақынның 60 жылдық мерей тойы үшін арнайы бағдарламамен ауқымды шығармашылық кеш ұйымдастырған Сәрсен Аманжолыов Университетіне, Ректоры ТӨЛЕГЕН Мұқтар Әділбекұлына, Ақын ағасын қолтықтап, арнайы Алматыдан бірге ұшқан Дәурен Қалметұлы мен Гүлшаш Әубәкірқызына және Ертіс бойына түскеннен табанымызды жерге тигізбей қызмет еткен Нұротан партиясы, саясат бөлімінің жетекшісі Саят Ибраевке, Семей қаласы мәдениет бөлімінің басшысы Назерке қарындасқа шараға белсене қызмет етіп, атсалысқан қалың жерлестеріме  ақынның көңілімен толқып тұрып сөз арнаймын.
        
Дәл осы күні “Қазақ Әдебиеті” газетіне әсерлі мақала ұсынған Профессор Тұрсынхан Зәкенге, ауқымды мақаланы айқара бетке салып, қолдау көрсеткен Бас редактор Дәурен Қуат ініме шабыт, бақыт, есендік тілеймін. 

Мерей тойдың жалғасы Семейде -Абай үйінде өтеді.
      
Алмас Ахметбекұлы 04.VI. 2021
 Өскемен.
Басып шығару