05 авг 11:50korilim:956 Ekonomika

Ұлттық Банк елдегі азық-түліктің қымбаттау себебін түсіндірді

ҚР Ұлттық Банкінің төраға орынбасары Ақылжан Баймағамбетов еліміздегі азық-түліктің қымбаттау себебі және 2020 жылдың қорытындысы бойынша болжамды инфляция деңгейі туралы мәлімдеме жасады.

«Қазақстанда жыл басынан бері инфляцияның өсу деңгейі қарқын алғаны жасырын емес. Тек шілде айында ғана жылдың инфляция былтырғы желтоқсан айымен салыстырғанда 5,4 пайыздан 7,1 пайызға артты. Бұған азық-түлік пен тұрмыстық заттардың бағасының өсуі себеп болды.
Ресми статистика бойынша, дәнді дақылдар (40,4 пайыз), жеміс-жидектер (23,1 пайыз), жұмыртқа (19,8 пайыз) мен ет (12,9 пайыз) қымбаттған. Бұл аралықта тұрмыстық заттар (5,4 пайыз) және қызметтер (3,2 пайыз) бағасы көлемінде сақталып отыр.
Бағаның өсуін тұтынушылар тарапынан сұраныстың күрт артуымен байланыстыруға болады. Сонымен қатар карантин кезінде тасымалдау, жеткізу сияқты қызметтер шектеліп, айналым процесі бұзылды. Ал импорт тауарларының қымбаттауына теңгенің әлсіреуі себеп болып отыр. Санитарлық-эпидемиологиялық шаралардың күшейтілуі нәтижесінде антисептиктерге сұраныс артты. Соның негізінде тазалауға және жууға арналған заттар инфляциясы 9,2 пайызға дейін өсті. Бұл жалпы инфляцияға да әсер етеді. Ал дәнді дақылдар бойынша қарақұмыққа сұраныс артты. Бұл өнімнің бағасы 67,9 пайызға дейін артқан. Бір жыл ішінде елімізде 43,8 мың тонна қарақұмық пайдаланылған», - деді Баймағамбетов.

Оның айтуынша, осындай мәселелердің көтерілуіне өндіріс көлемінің аздығы, сақтау сапасының төмендігі, тасымалдау қызметінің жетіспеушілігі мен аяқтан шалу себеп болып отыр.

«Өкінішке орай, бізде импорт тауарларына мұқтаждық деңгейі түспей отыр. Бізде керек дүниелерді өндіруге климаттық және басқа да қажеттіліктер бола тұра тауарды шетелден сатып аламыз. Біз отандық өнімнің саны мен сапасын арттыруымыз керек. Осы арқылы біз импорт тауарларына мұқтаждық деңгейін түсіреміз. Мысалы, өткен жылы жылыжайлар санын арттыру арқылы біз көкөністердің импорт көрсеткішін 1,5 есеге азайттық», - деді ол.

Ұлттық Банк төрағасының орынбасары тауарлар қауіпсіздігін арттырып, импорт деңгейін азайту – мемлекет басшысының тікелей тапсырмасы. Үкімет пен Ұлттық Банк Президент тапсырмасын орындау мақсатында түрлі жобаларды жүзеге асырып келеді.

Басып шығару