Әл-Фараби кесенесінің 9 жыл бойы ашылмауына не себеп?

Дамаск - Таяу Шығыстың мәдени және діни орталығы. Бірақ ұзаққа созылған соғыс Сирия астанасының одан әрі дамуына кедергі келтіріп, әл-Фараби мәдени-тарихи орталығының жұмысына кері әсерін тигізуде.

«Бабалар ізімен» атты  ғылыми экспедиция осы орталыққа барып қайтты.

Бұл орталықтың құрылысын Қазақстан қаржыландырған, бірақ ол 9 жыл бойы жабық күйінде. Бұл жерде Шығыстың ұлы философы және ғалымы, қазіргі Түркістан облысының аумағында болған Отырар қаласының тумасы Абу Наср әл-Фараби өзінің мәңгілік тыныштығын тапты. Өліміне дейін бірнеше жыл ол ислам әлемінің бұрынғы орталығы Дамаскіде  болған.

 2007 жылы Қазақстан Дамаскіде әл-Фарабидің еңбегін еске алуға арналған мәдени-тарихи орталықтың құрылысын бастады. 4 жылдан кейін жұмыс аяқталды. Бірақ Сириядағы тұрақсыз жағдайға байланысты құрылыс әлі де жабық.

Биыл ұлы ойшыл әл-Фарабидің 1150 жылдығы. Барлық іс-шаралар жоспарланған. Жағдай тұрақты болып, азамат соғысы аяқталып, кешен ашылады деп сенеміз », - деді « Бабалар ізімен » атты ғылыми экспедиция жетекшісі Сапар Ысқақов.\

Бірегей кешеннің келушілерге есігін айқара ашпауының тағы бір себебі - меншікті иелену құқығы. Әзірге бұл кесенені Қазақстан да, Сирия да иелік етпейді.

 Қазақстандық экспедиция өкілдері Дамаск губернаторына ортақ тарихи және мәдени құндылықтарды насихаттауға қосқан үлесі үшін төсбелгі табыс етті. Сирия әл-Фарабидің ғылыми жұмысын жоғары бағалайды. Сондықтан оның есімі Дамаскіде ғана емес, еліміздің басқа қалаларында да оның құрметіне бірнеше мектеп пен көшелер қойылған. Қазіргі уақытта Нұр Сұлтан Сириядағы бейбітшілік туралы келіссөздер алаңы ретінде қызмет етеді. Дамаск губернаторы Адел әл-Олаби Қазақстан мен Сирия арасындағы достық қатынастардың терең тарихи тамыры бар екенін айтты.