Марғұлан Сейсембай: Қазақстанды Назарбаев басқарып отыр

«Алғашында оны қатты сыйлайтынмын, таң қалатынмын. 90 жылдардың басында ол шынымен де лидер болды, тіпті, посткеңестік кеңістіктегі ең үздік президент деуге болады.  Мен де ол кезде саяси жетілмеген адам едім, бірақ қазіргі көзқарасымда да уақытында ол туралы ойлаған пікірімнің дұрыстығына көзім жетеді. Ол – өте данышпан адам. Жылдар өте келе эволюция орын алды. Қазір мен ол туралы бұрынғы пікірімді өзгерткен сияқтымын. Ел басқарудың екі түрі бар: халық махаббатына бөлену және қорқыту, үркіту. Екеуі де ел басқарудың құралы. 
Мен оны алғашынды шынымен жақсы көрдім. Мемлекетке, елге қызмет істейтін тұлға деп бағаладым. Өкінішке қарай, уақыт өте келе оның «қамшысының» ысылы менің оған деген махаббатымнан да жоғары рөл ойнайтынын байқадым. Мен шынымен одан қорқа бастадым. 
Ел басқаратын адам өте жұмсақ болып, қол астындағыларды тек «тәттімен» қамтамасыз ете бергені де дұрыс емес. Сәйкесінше, жон арқасынан таспа тіліп отыру да шектен шыққандық деп есептеймін. Осы екеуінің арасындағы балансты сақтау керек. 
Қазақстанда Назарбаев туралы шынайы пікір айту мүмкін емес. Өйткені біздің еліміздегі оған деген көзқарас өте негативті деңгейде. Расын айту керек, менің оған қатты өкпем де жоқ. 
Иә, кез келген ел эволюциялық жолмен дамуы керек. Қазіргі президентіміз Тоқаев та жұмысқа кірісе салысымен реформалар жасайтынын айтқан. Дегенмен, тағы да тоқтап қалдық», - деді ол. 

«Ресми түрде Қасым-Жомарт Тоқаев, ал іс жүзінде Нұрсұлтан Назарбаев басқарады».

«Тоқаев – өте қызықты әрі интеллигент адам. Әрине, әлемдік ұйымда басшылық еткен азаматтың осал емесі анық. Ол – білімді әрі өте тәрбиелі адам», - деп баға берді кәсіпкер.