17 қараша - коронавирустың туған күні

  • 17 ноя, 17:59
  • Көрілім: 490

Қызық естілгенімен SARS-CoV-2 вирусының бірнеше туған күні бар. Біріншісі - ресми. Бұл аурудың алғашқы клиникалық белгілері ресми түрде расталған күн – 2019 жыл 1 желтоқсан. Дәл осы сәттен бастап бүкіл әлем Қытайдағы Ухань провинциясы туралы білді.
Екінші туған күні - 2019 жылдың 17 қарашасы. Әлемде ең бірінші коронавирус жұтырған Хубэйдің 55 жастағы тұрғыны. 17 қарашадан бастап ол дәрігерге қабылдауына барған. Кейін вирус жұқтырғандар саны өсе берді. 15 желтоқсанға дейін COVID-19 жұқтырған 27 адам тіркелсе, 20 желтоқсанға дейін 60-қа жетті.

27 желтоқсан күні Хубэйдегі аурухана дәрігері Чжан Цзисянь Мемлекеттік денсаулық комитетіне жаңа вирустың пайда болғаны туралы ескертті. Сол кезде жағдай аса күрделі болмағанымен, 180-нен астам адам инфекция жұқтырып үлгерген. 
2020 жылы 11 наурызда Дүниежүзілік денсаулық сақтау ұйымының (ДДҰ) басшысы Тедрос Адханом Гебресйесус коронавирустық инфекцияны «пандемия» деп жариялады. Сол уақытта вирус жұқтырған 118 мың адам тіркеліп, 4 мыңнан астам көз жұмды.

Еске салайық, 2020 жылдың 13 наурыз күні Қазақстанда коронавирус жұқтырған алғашқы адам анықталды.
Сондай-ақ оқыңыз

Пікір қалдыру