Елбасын ММУ (МГУ) жұлдызымен марапаттады

Университет Ресейдегі ең ірі және маңызды оқу орны болып қала береді - Назарбаев.

«Елбасы» веб-сайтының хабарлауынша, университетке сапар барысында Нұрсұлтан Назарбаев ректор В.Садовничимен кездесті, Тұңғыш Президент кітапханасының еуразиялық интеграция идеясына арналған экспозициясымен танысты, сонымен қатар университеттің мұражайын тамашалап,  «Құрметті қонақтар» кітабына жазба қалдырды.

В.Садовничимен әңгімелесу барысында Елбасы М.В. Ломоносов атындағы Мәскеу мемлекеттік университеті жоғары беделге ие және халықаралық деңгейде мойындалғанын атап өтті.

«Университет Ресейдегі танымал мамандықтар бойынша мамандар даярлайтын ең ірі және маңызды оқу орны болып қала береді», - деді Нұрсұлтан Назарбаев.

Қазақстанның тұңғыш Президенті посткеңестік кеңістіктегі интеграциялық процестердің даму тарихымен бөлісті.

- 1994 жылы наурызда ММУ қабырғасында мен Еуразиялық экономикалық одақ құру идеясын ұсындым, одан әрі ынтымақтастық жоспарларының тұжырымдамасын ұсындым. 2014 жылы біз Еуразиялық экономикалық одақ құру туралы шартқа қол қойдық, - деді Нұрсұлтан Назарбаев.

Өз кезегінде ректор Виктор Садовничи Нұрсұлтан Назарбаевқа сапар үшін ризашылығын білдіріп, Елбасының Еуразия континентіндегі интеграциялық процестерді нығайтудағы ерекше рөлін атап өтті.

Кездесу соңында Мәскеу мемлекеттік университетінің құрметті докторы Нұрсұлтан Назарбаевқа университеттің жоғары наградасы - «Мәскеу университетінің жұлдызы» берілді.