Нұрсұлтан Назарбаев Әсет Исекешевті қабылдады

  • 23 янв, 17:34
  • Көрілім: 297

Кездесу барысында Елбасы Қауіпсіздік Кеңесінің ұлттық қауіпсіздікті және елдің қорғанысын қамтамасыз ету саласындағы бірыңғай мемлекеттік саясатты іске асыруды үйлестірудегі маңызды рөлін атап өтті.

«Қауіпсіздік Кеңесі өте маңызды мемлекеттік орган болып табылады, ол ең алдымен ел ішінде де, одан тыс жерлерде де қауіпсіздік мәселелерін талдайды және қарауға ұсынады. Мұнда құқық қорғау органдарының жұмысы, азық-түлік қауіпсіздігін қамтамасыз ету, шет елдермен қарым-қатынас және қорғаныс қабілеттері туралы сұрақтар кіреді. Сонымен қатар, құқық қорғау жүйесін реформалауға назар аударып, оны соңына дейін жеткізу керек», - деді Қазақстанның Тұңғыш Президенті.

Өз кезегінде Ә.Исекешев елдегі ағымдағы жағдай туралы баяндап, 2020 жылға арналған жұмыс жоспарлары туралы ақпарат берді.

Отырыстың қорытындысы бойынша Қауіпсіздік Кеңесінің Төрағасы бірқатар нақты тапсырмалар берді.


Сондай-ақ оқыңыз

Пікір қалдыру