Трамп қазақстандықтарға үндеу тастады

Америка Құрама Штаттарының Президенті Дональд Трамп өз елінің атынан және өз атынан Қазақстан халқын Тәуелсіздіктің 28 жылдығымен құттықтады.

- Біздің күшті серіктестіктің арқасында соңғы 12 айда қол жеткен жетістіктерді атап өткім келеді. Біздің ынтымақтастығымыз ядролық қаруды таратпау мәселелерінен бастап терроризмге қарсы күреске дейін әлемді қауіпсіз және тұрақты етеді », - делінген жеделхатта.

Өзінің жеделхатында Үндістан Президенті Рам Нат Ковинд біздің елдеріміздің бұрыннан келе жатқан тарихи байланыстарын еске алып, Қазақстанға гүлдену тіледі.

- Үндістан мен Қазақстан арасындағы қатынастар ғасырлар өткен тарихи және мәдени байланыстарға негізделген. Біздің елдеріміз арасындағы көпжақты және екіжақты қатынастар стратегиялық серіктестік деңгейіне жетті. Біздің ынтымақтастығымыз нығая беретініне сенімдімін, делінген хатта.

Испания Королі Фелипе Испания халқы мен Үкіметінің атынан Қазақстан Президентін Тәуелсіздік күнімен құттықтап, қазақстандықтарға бейбітшілік пен өркендеу тіледі.

Сингапур Республикасының Президенті Халима Якоб Қасым-Жомарт Тоқаевты және Қазақстан халқын Тәуелсіздік күнімен құттықтады.

- Сингапур мен Қазақстан достық қарым-қатынаста. Екі ел арасындағы сауда-саттық өсіп, құқықтық және қаржы саласындағы ынтымақтастықтың кеңейгеніне қуаныштымын. Мен сіздермен біздің еліміздің игілігі үшін жұмыс істеп, қатынастарды одан әрі нығайтуды  қалаймын  », - деп жазды Халима Якоб.

Австрия Президенті Александр ван дер Беллен Тәуелсіздік күнімен құттықтап, амандық тіледі.

«Біз көптеген салаларда, соның ішінде экономикалық ынтымақтастықта өте жемісті дамып келе жатырмыз және өзара іс-қимылды  сәтті жалғастыра алатынымызға сенімдімін», - делінген жеделхатта.

Австралия Одағының генерал-губернаторы Дэвид Херли өзінің құттықтауында мемлекеттер арасындағы достық екіжақты қатынастардың одан әрі дамуына сенім білдірді.