Ломтадзенің көмегі: Kaspi.kz мемлекетке 100 дана «Жедел жәрдем» көлігін береді

Kaspi.kz компаниясы мемлекетке пандемиямен күрес кезінде көмектесу мақсатында 100 дана «Жедел жәрдем» көлігін берді. Санитарлық автокөлік ҚР Денсаулық сақтау министрлігінің талаптарын сақтай отырып «СарыаркаАвтоПром» отандық өндірісінде құрастырылған. Моделі - Chevrolet Damas.

«Біз барлық ауырлықтың денсаулық сақтау саласына түсіп отырғанын көріп отырмыз, сондықтан, пандемиямен күресте алдыңғы шепте жүрген дәрігерлерге көмек көрсетуді жөн санадық. Біз Денсаулық сақтау министрлігінің автокөлік құрылымына қоятын талаптарын зерттеп, осы талаптарды отандық өндірушілерге жібердік. Бұл – автокөліктерді қысқа уақытта халық игілігіне пайдалануға мүмкіндік беретін ең дұрыс нұсқа», - деді Kaspi.kz басшысы Михаил Ломтадзе.

«Біз мемлекетке қайтарымсыз 100 «Жедел жәрдем» көлігін береміз. Қазіргі уақытта бизнес пен мемлекет тізе қоса жұмыс істеуі керек. Біз «СарыаркаАвтоПром» көліктерін таңдап, оларға министрлік талаптарын қойдық. Қазір ел аумағында қолжетімді ресурстармен жұмыс істеп жатырмыз», - деді Kaspi.kz директорлар кеңесінің төрағасы Вячеслав Ким.

«Kaspi.kz талаптарын сақтай отырып, біз жылдам жүретін, көлемі шағын автокөлікті таңдадық. Біз жағдайдың қиын екенін ескере отырып, тапсырысты мүмкіндігінше жылдам аяқтауға тырысамыз. Автокөлік науқастарды тасымалдауға қолайлы, ішінде қажетті жабдықтар қойылады», - деді «СарыаркаАвтоПром» директоры Сырым Семейбаев.

ҚР Денсаулық сақтау министрлігінің мәліметіне сүйенсек, қазір елімізде күніне 26 мың қоңырау қабылдайтын 1 400 «Жедел жәрдем» бригадасы бар. Бұл – аталмыш қызметке түскен ауырлық.

Басып шығару

Пікір қосу

Janalyqtar toptamasy