Алтай Көлгінов қала активімен кездесу өткізді

  • 17 июл, 17:32
  • Көрілім: 957
НҰР-СҰЛТАН. BAIRAQ.KZ - Алтай Көлгінов мемлекет басшысының қатысуымен өткен ҚР Үкіметінің кеңейтілген отырысының қорытындысы бойынша қала активімен кездесу өткізді деп хабарлайды bairaq.kz тілшісі елорда әкімдігінің баспасөз қызметіне сілтеме жасап. Кездесу барысында Президент қойған міндеттерді ескере отырып, Нұр-Сұлтанның әлеуметтік-экономикалық даму мәселелері талқыланды, деп қала әкімдігінің ресми сайты хабарлайды. Кездесу басталысымен әкім Қасым-Жомарт Тоқаев еліміздің басты міндеті халықтың әл-ауқатын арттыру екенін атап өтті, осыған байланысты барлық мемлекеттік құрылымдар өз жұмысын азаматтардың өмір сүру сапасын жақсарту үшін түзетуі тиіс.   "Ағымдағы жылы халықтың, оның ішінде әлеуметтік жағынан осал топтардың кірістерін арттыру бойынша нақты қадамдар жасалды. Осы жылдың 1 маусымынан бастап бюджет саласының жекелеген қызметкерлерінің жалақысы 30% - ға дейін өсті.   Атаулы әлеуметтік көмек көрсету өлшемі өзгертілді. Бұл көмектің мөлшерін орта есеппен ұлғайтуға және АӘК алушылар шеңберін 3 есеге жуық кеңейтуге мүмкіндік берді. Сондай - ақ, Президент тұрғындарды белсенді жұмысқа тарту бойынша жұмысты оңтайландыруды тапсырды", - деп атап өтті Алтай Көлгінов. Сондай-ақ, елорда басшысы қалада кәсіпкерлік, денсаулық сақтау, білім беру, индустриялық-инновациялық даму, тұрғын үй инфрақұрылымы және т. б. салаларында жүргізіліп жатқан жұмыстар туралы айтты. Кәсіпкерлікті дамыту туралы айта келе, әкім өңірлерде бизнес үшін қолайлы жағдай жасау басым міндет болып табылатынын еске салды. Бүгінде елордалық Индустриялық парктің аумағы 95% - ға толған. Жаңа өндірістер құру үшін екінші Индустриялық парк ашу жоспарлануда. Бұл ретте жаңа жобалар экспортқа бағдарланған, қосылған құны жоғары болуы тиіс. "Бұрын енгізілген жобалардың жүктелуі бойынша әлі де сұрақтар бар, олардың кейбірі тоқтап қалған. Индустриялық паркте 49 жобаның ішінен 10 кәсіпорын мемлекеттік тапсырыс бойынша олардың түсуіне қарай жұмыс істейді. 2017-2018 жылдары енгізілген 12 жоба шамамен 10% жүктелді.  Біз белсенді жұмыс істеуіміз керек қор бар", - деді Алтай Күлгінов. Осыған байланысты индустрияландырудың әрбір жобасы бойынша егжей-тегжейлі талдау жүргізу және жобалық қуатқа шығу және өндірісті қалпына келтіру бойынша Жол картасын енгізу тапсырылды. Әкім сондай-ақ, "қарапайым заттар экономикасының" әлеуетін белсенді пайдалану қажеттігін атап өтті, бұл желі бойынша елордада 2 жоба ғана мақұлданды, бұл өте төмен көрсеткіш болып табылады. Ол үлкен әлеуеті бар туризм саласын да қозғады. Әңгіме медициналық, білім беру, мәдени, спорттық және іскерлік туризм туралы болды, ол қаланы әлемдік аренада ілгерілетуге ықпал етуі тиіс, оның үстіне Нұр-Сұлтан осы үшін дайындалған инфрақұрылымға ие.


  
Сондай-ақ оқыңыз

Пікір қалдыру