ДДСҰ коронавирустың аса қауіпті штамы туралы мәлімдеме жасады

  • 21 июл, 10:30
  • Көрілім: 53

Дүниежүзілік денсаулық сақтау ұйымының басшысы Тедрос Аданом Гебрейесус коронавирустың дельта штамынан гөрі қауіпті штамның пайда болуы мүмкін екенін ескертті.

ДДСҰ басшысы бұл туралы Токиодағы Халықаралық Олимпиада комитетінің 138-сессиясында сөйлеген сөзінде айтты.

«Вирустың таралуы неғұрлым тез болса, соғұрлым көп штамдар пайда болады, дельта штамына қарағанда қауіпті болуы мүмкін», – деп атап өтті Гебрейесус.


Гебрейесус Токиодағы Олимпиада ойындары коронавирус пандемиясы аясында қауіпсіз өтеді деген үмітін білдірді.21 шілдеде Олимпиада ойындарындарының алғашқы жарыстары басталады. 1996 жылдан бастап алғаш рет Олимпиада бағдарламасы футболдан емес, софтбол арқылы ашылды.

Токио Олимпиадасы пандемияға байланысты бір жылға шегерілген болатын. Биылғы ойындар 23 шілде мен 8 тамыз аралығында өтеді деп жоспарланған.

Сондай-ақ оқыңыз

Пікір қалдыру