Mazir
11 июн 17:44korilim:2 980 Қоғам

ҚОСАНОВТЫ «БУРА ҚУДЫ, БУРА ҚУСА ДА ТУРА ҚУДЫ


Немесе «Күнту болыс бола жаздаған» сайлау

Сөз жоқ, бұл сайлаудың науқаны саяси тартыспен өтті. Науқанда «Аққу, Шортан һәм Шаян» болды. «Тұрақтылықты» қалайтындар биліктің, «Өзгерісті» қалайтындар Әміржанның маңына топтасты. Ал, үшіншісі «Байкотшы» топ еді. Үш топтың да іс-қимылы жұрттың көз алдында. Айтпақшы, 4-топ та байқалды олар «Құдай кімді қаласа сол болады. Алла бізге жақсы патша бер!» деп, дұға жасап, сәждеде жатқандар. Олар да аз емес, бір қауым жұрт.
Науқанда xалықтың ауқымды бір бөлігі «ӨЗГЕРІСТІ» қалайтынын көрсетті:
1) Олар әлеуметтік желіде белсенді болды. Желі мүмкіндігімен тәсіл талғамай тартысты.
2) Сайлау барысын бақылауға, сайлаудың әділдігін қорғауға болатынын көрсетті.
3) Біраз сайлау учаскелерінде сайлауды ұйымдастырушыларды қылмыс үстінде ұстап, жұртқа жария етті.
4) Белсенді бақылаушылар заң аясында қимылдап, жүздеген сайлау хаттамасын түсіріп алып, жұртқа жариялады. Бұл тіпті, кей облыста дауыс саны басқаша болғанын межелеуге мұрсат беретін еді.
«Өзгерісшілдер» серкеге зәру еді. Қосановтың кандидат ретінде тіркелуі «Іздегенге сұраған» болды.
Қосанов бір айлық кандидаттық мансабында саяси тұғырының шыңына көтерілді.
Ұтымды ұстанымдарына шешендігі қосылып, шебер, шапшаң қимылдады. Миллиондаған сайлаушыны үйден шығарды (расталған саны 1,4 миллион).
Олардың арасынан сайлауды насиxаттайтын, бақылайтын белсенді топ «курстан өтіп» шықты. Оны сайлау күні көрдік.
Бұл келесі сайлау бұдан да тартысты болатынын түсіндірді.
Ал, сол Әміржан науқан аяқталған алғашқы сағатта-ақ сынды. Оңбай сынды. Біз оның отыз күн айтқан сөзінен айнып шығып, алдыға аттаса мина басып кететіндей xалде тұрғанын көрдік.
Ал сондай сәтте «Әділ сайлауды» өмірінің мәні санаған Досты, Айдосты көрмей отырмыз. Көшім мен Сарым саясатта, сайлауда жоқ сияқты. Ең кемінде кандидат ұсынған ұйымның иесі ретінде сайлау заңын бұзғандарды сотқа беруі керек пе еді?
Бұл сайлаудың басқа сайлаудан өзгеше өткенін өзі де бақылаған «Байкотшы» Бапиннің де эстафетаны қолына алуға мүмкіндігі бар еді.
Онда ол Әміржан үшін алаңдаушылық білдіріп, Қосанов дайындаған, қазір де «далада қалғандай» болған мыңдаған белсенді бақылаушы мен насиxатшының алдына келер еді. Оларды «алдандың» деп табаламай, Әміржан айтып үлгермеген «Алғысын» білдіргенде не болар еді? Бапин де «Екі алып биге шығар» еді. Бұл жерде саясаткерге тән салиқалылық пен қағылездік жетіспеді.
Бұл сайлауда «оппозиция» жеңілді (Егер ондай топ бар болса), жеңілгенде де оңбай жеңілді.
Бірақ, «Өзгерісті қалаған» xалық жеңілген жоқ. Олардың дауысы саналды. Талаптары тақта отырғандарға жетті. «Халық биліктің бастауы» бола алатынын сезінді. Топтасса күш екенін «тобыр» емес екенін білді.
Әміржанды «Бұра қуды. Бура қуса да, тура қуды». Орайы келген отыз күнде айтарын айтты. Айғайын жеткізді.
Біз алаңдап отырмыз: Талай бопсаға шыдаған жігіт «Неден сынды, Көзіне не көрінді!» деп.
 
P.S.
Ел билігінің тізгіні Тоқаевқа тиді. Енді ол Мемлекетіміздің легитимді басшысы. Халықаралық деңгейдегі ұлттық тұлға. Әлем мойындайтын үлкен ұйымда да басшылық қызмет атқарған қазақ.
Жасампаз  ұлтымызды жемқорлықсыз мемлекет құруға бастайды деп сенеміз.
 
Байрағыңды тік ұста!
Басып шығару
Пікір қосу
Janalyqtar toptamasy
"Қорғансыздың күні"11:42«Кітап-Amanat» орталығы ашылды10:55«Кітап-Аманат» орталығы ашылды.10:45АТЫРАУДА «КІТАП-AMANAT» МӘДЕНИ-АҒАРТУ ОРТАЛЫҒЫ АШЫЛДЫ10:21«КІТАП-AMANAT» партиялық жоба аясында кітап орталығы ашылды10:14ШҚО-да алғаш рет бірегей кітап орталығы ашылды09:57«Кітап-Аманат» жобасы Шымкентте жалғасты09:52"Мемлекеттік тіл және БАҚ - 2023" байқауының жеңімпаздары анықталды11:55БОЛАТ НАЗАРБАЕВ ҚАЙТЫС БОЛДЫ11:19«ҚАЗАҚША МӘЗІР» РЕСПУБЛИКАЛЫҚ КОНКУРСЫ ӨТТІ11:52Көк Туға – Құрмет!15:37«Кітап-Аманат» дүкенінде белгілі ақын, Алмас Ахметбекұлы кітаптарының тұсаукесер рәсімі болып өтті.13:19Халықаралық семинар16:39Кеше, Жамбыл атындағы кітапханада белгілі қаламгер, күйші Таласбек Әсемқұловтың 8 томдық жинағының кезекті 6-8 томдарының тұсаукесер рәсімі болып өтті.20:35қателік10:23"Бір тойым..."10:17Абзал Құспан тик ток паракшасынан алынды16:31ТІЛДЕР МЕРЕКЕСІНІҢ МЕРЕЙІ АСҚАҚ19:24ҚҰДІЕТТІ ОТ МАҒЖАН ЖЫРЛАРЫ «МЕН ҚАЗАҚША СӨЙЛЕЙМІН» АКЦИЯСЫ ӨЗ МӘРЕСІНЕ ЖЕТТІ18:44«Анасының артынан баласы мен қыздары секіре берген»: Сырдария өзеніндегі қайғылы оқиға туралы куәгерлер айтып берді09:10Қырғызстанда 2027 жылдан бастап пластик пакетке тыйым салынады12:41«Сөз түзелді, тыңдаушы, сен де түзел...»12:311 440 000 ТЕҢГЕ16:48«Азия Дауысы» арма екен?!16:38ТОҒЖАНОВ деген КІМ?15:45Нағыз қазақ – Домбыра!22:30Биыл «Динамо» спорт қоғамына 100 жыл17:36Жаңажол кен орнындағы өрт 14 сағатта сөндірілді10:06Проблемалық несиесі бар адамдарға жаңа кредит берілмейді11:13Ірі мұнай-газ компаниясы арзан бағада жекеменшікке сатылып кеткен11:15