Mazir
09 июл 21:06korilim:741 Қоғам

Құрметті ағайын!


"Ас-ай" компаниясы жол құрылыс арнаулы теxникаларын толайым сатумен ғана емес, құрылтайшысы Жәкулиндердің тариxына байланысты баянаттармен де көпке белгілі. Оның үстіне "Асқар Жакулин атындағы қайырымдылық қорының" ауқымды әлеуметтік қызыметімен де Ел көлеміне, әсіресе, шығыс өңіріне құрметі бөлек есім. 
 Әлем желіде марқұм Асқардың отбасы мен компаниясына бағытталған аса ауыр әрі "жалалы" жазбалар тараған көрінеді. 
 Атына жазылғанға пысқырмайтын ағайын Асқарға, оның отбасына айтылған артық сөзді ауыр алыпты. Асқарына ара түсіпті. Қарсы қайыра xат жазыпты. 
  Асқардың ата-анасымен дәмдес, жерлес Қазақтың xалық жазушысы Қабдеш аға Жұмаділов бастап қол қойып, әлем желі оқырмандарына бағыттаған xатын жариялауды жөн көрдік. 
      Сонымен бірге Асқардың руxани ағасы әрі досы ақын Алмас Аxметбекұлының FB парақшасындағы постын да қоса көшіріп беріп отырмыз.
Ашық хат
Құрметті ағайын!
 
Таяудан бері әлеуметтік желіде «Компания АсАй ЛТД» ЖШС атына арандату сипатындағы өсек-аяң тым көбейіп кетті. Отқа май құйып, өсек-аяңды қарша боратып жүргендердің басында 2 жылдан бері ел ішін ала тайдай бүлдіріп ағайынды араз, жақын жауластырып, арандатуды кәсіпке айналдырған аты шулы ұйым мен жағдайдың байыбына бармай дүрмекке ілесіп, айқайға аттан қосушылар жүрді. Әрине, осындай өтірік пен өсекті жүндей сабайтын суайттардың қай өтірігін елеп-ескереміз деп мән бермеуге де болар еді. Бірақ, мәселе қазақтың марқасқа ұлы,марқұм Асқар Жакулиннің отбасы және ол негізін қалаған «Компания Ас-Ай ЛТД» ЖШС туралы болған соң, үнсіз қалуға төзе алмадық.
Даудың басы компанияның бұрынғы қызметкері Салтанат Құсманқызы мен «Компания Ас-Ай ЛТД» ЖШС ортасындағы дауға байланысты екен. Жағдай құқық қорғау органдарының бақылауында. Сот жарты жылдан бері жалғасып жатыр. Іске нүкте қоятын күн де алыс емес. Әрине, даудың төрелігін сот айтады. Ал бұған бізде құқық қорғаушылар мен әділ сот атымен жоқтай-ақ, кейбір ұйым сымақтар өз бетінше төрелік айтып, сырттай үкім шығарып жұртты алжастырып жүр.
Оған айғайға аттан қосушылар өре түрегеліп, марқұм Асқар Жакулиннің жұбайы мен «Компания Ас-Ай ЛТД» ЖШС-на адам ауызы бармайтын ауыр айыптар тағады. Олардың ең басты уәжі - марқұмның жары Жайна Жакулинаның ұлтының қытай болғандығы. 
    Марқұм Асқар Бейжіңдегі Қытайдың ең атақты оқу орыны Шинхуа университетінің «Электрондық инженерия» мамандығы бойынша үздік бітірген.Ол 6 елдің тілін еркін меңгерген ғұламалық деңгейдегі білімді азамат болып қалыптасты. Асқардың бір басында білімділік пен дарын, тектілік шебер тоғысқан. Атасы Жакула Күшікұлы Дала генерал-губернаторлығының орталығы Омбы қаласында еуропалық деңгейде медициналық білім алған (1881-85 ж.ж.), Қырғыз жерінде дәрігерлік (1885-1909 ж.ж.), Семей өңірінде болыстық қызмет атқарып (1909-1920 ж.ж.), саяси тұлға ретінде ұлт-азаттық күреске араласып, «ұлттық партия құруымыз керек» дегені үшін (1913 ж.) Ресей империясы тарапынан қуғындалса, «Алашқа ниеттес» болғаны үшін большевиктер тарапынан кәмпескеге ұшырап, қуғын-сүргін көріп, Қытай асқан. Бұған қоса, Варшава университетін 1917 жылы бітірген інісі Әбілмәжін Күшіковтің «Қапланбек Алашордасы» ұйымын құрғаны үшін 1937-де атылған. Ал Асқардың әкесі Әнуар Жакулин мен Мағауия Жакулиндер Шығыс Түркістан ұлт-азаттық қозғалысының белді қайраткерлері еді. Нағашы жұрты атақты Ақтайлақ биден тарайды.
Қытай қазақтарында тұңғыш рет (1993) «Ауыл» атты ғаламтор сайтын ашып, Қытайдағы қазақ жастарын топтастыра білген де Асқар Жакулин еді. Ол Қытайдың өзінде табысты кәсіпкерге айналған болатын, 2001 жылы Қазақстанның Тұңғыш Президенті, Елбасы Нұрсұлтан Әбішұлы Назарбаев Асқарды жеке қабылдап, елге шақырды. Ол елге оралысымен Бейжіңдегі бизнестен қол үзіп, Алматы қаласында екінші рет кәсіпкерлік жолын бастап, өзінің азат Отанында үлкен табысқа жеткен беделді кәсіпкерге айналды. Бірақ, байлыққа мастанған жоқ.Ол Бейжіңдегі кездің өзінде қазақ студенттерге көмегін аямайтын. Елге оралған соң да сол жомарт мінезінен айныған жоқ. Шеттен келген оралман жастардың оқуға түсуіне, жұмысқа орналасуына, баспана сатып алуына көмек көрсетуден жалықпайтын. Ол көзінің тірісінде орта мектеп оқушыларының арасында химия-биология пәндері бойынша Жакула Күшікұлы атындағы олимпиада ашқан болатын. Қазір осы олимпиада Шығыс Қазақстан облысы бойынша жарыстардың ең ірі олимпиядасы болып қалыптасты. Асқар өз қол астындағы қызметкерлерге ерекше қамқорлығымен қолдау білдіріп отыратын. Үздіктеріне еңбегіне қарай ондаған баспана, көліктер сыйлайтын. Марқұмның еңбекқорлығы, Отанға, ұлтқа деген шексіз сүйіспеншілігі, жомарт мінезі оны өз ортасында үлкен бедел мен сый-құрметке бөледі. Асқар 2016 жылы ақпан айында Бейжің қаласында ауыр науқастан қайтыс болды. Марқұмның сүйегі Алматы қаласына жеткізілген кезде қарсы алуға шыққан көліктің көптігі бас-аяғына көз жетпейтін алып керуенге айналды. Марқұмды ақтық сапарға шығарып салуға келген жұрттың қарасында есеп болған жоқ. Ол қайтыс болардан бұрын жұбайы Жайна Жакулина және балалары Айдана мен Айқұтқа жазған өсиет хатында: «...менің сырқатымның сыры бәріңе мәлім....Бұл хатты жазып отырғаным, менің өмірден күдер үзгенім емес, жауапкершілікті сезінгендігімнен. Ал өмір сүруге деген құштарлығымды тоқтатпаймын. Осы жарты ғасырлық өмірімдегі мен үшін ең керемет, ұлы оқиға Қазақстанның тәуелсіздік алуы еді. Ал, өз өмірімдегі үлкен шешім ол менің Қазақстанға қоныс аударғандығым болды (соңғы сөйлемді Жәйна Асқардың құлпытасына жазды). Осы жерде жан-жарыма алғыс айтамын. Ол әрқашан менің қасымнан табылды, таңдауыма кереғар кезі болған емес. Егер оның қолдауы болмағанда, өмірімнің қаншалықты қиын болатындығы беймәлім еді. Біз Қазақстанда, осынау тарихи Отанымызда, бабаларымыздың ата-қонысын таптық. Және шаң басқан мұрағаттар ішінен аталарымыздың тарихын, іздерін аршып алдық. Бұл біздің әулет үшін аса бағалы рухани байлық. Оны ерекше қастерлеуіміз керек. Менің балалық шағым қиындықта өтті. 10 жасымда әкем дүниеден қайтты. Және сол 10 жылдың өзінде әкем түрмеде болды. Әке махаббатына бөлену былай тұрсын, тіпті, әкеммен түскен бір жапырақ естелік сурет те қалмапты. Аяулы анам әке орнына әке, шеше орнына шеше болып мені ержеткізді. Анам маған әкемнің жоқтығын білдірмеді. Маған өз бойындағы биік рухын беріп, мені елім деп еңірейтін нағыз ер-азамат болып шығуға тәрбиеледі. Осы сырқатқа шалдыққаннан бері, мен өмірге жаңа көзқараспен қарай бастадым. Сендерге айтарым: өмірлеріңнің әрбір күнін бағалай біліңдер, әрбір татқан дәмнің қадірін біліңдер, туыс-туған, дос-жаран, бауырларды сыйлап, аялай біліңдер. Өмірдің бар мағынасы сонда. Жайна екеуіміз құлшына еңбек еттік. Біраз байлық та жинадық. Мұның бәрі екеуіміздің қажырлы, берекелі еңбегіміздің жемісі. Жайнаның осы кәсібімізді жалғастра дөңгелете беруін армандаймын. Қандай да бір адамдарға орынсыз сенім білдіріп, опық жеп қалмаса екен деймін. Балаларымызды жақсы тәрбиелеуін тілеймін. Ең бастысы, 2 баламыздың нағыз қазақ болып ер жетуін, Қазақстанда өмір сүріп, Қазақстанның дамуына өз үлесін қосуын, қызым қазаққа тұрмысқа шығып, ұлым қазақтан келін алуын, әулетіміздің түтінін өшірмеуін тілеймін. Бұл мен үшін бәрінен маңызды...» деп жазыпты. Біздің білетініміз келініміз Жайна бұл өсиеттен айныған жоқ.
Жоғарыда Асқар Жакулиннің 2002 жылы серіктестік бастап «Компания Ас-Ай ЛТД» ЖШС және «Минметалс Казахстан» ЖШС компанияларын құрғанын айттық. Табысты кәсіпкер болу мен мемлекет алдындағы өз міндеттемелерінен бас тартпайтын адал кәсіпкер болу үнемі бір арнаға тоғыса бермейді. Бірақ, біздің Асқар адал кәсіпкер, белсенді салық төлеуші болды. Енді сандарды сөйлетейік. Компания  Түркісіб ауданы бойынша салықты ең көп төлейтін кәсіпорын еді. Тек қана 2014 жылғы тапсырған кедендік  салық пен ҚҚС (қосылған құн салығы) 3 000 000 000 теңгеден асып түскен болатын. Тапсырған табыс салығының өзі 130 000 000 теңге болды. 2018 жылы экономикалық жағдайы қиын болған тұста да, жұмысшыларға  (олар 100% Қазақстан азаматы) төленген жалақы 400 000 000 тенгеден асты. Кеден салығы мен ҚҚС (қосылған құн салығы) на 2 500 000 000 теңге, табыс салығына 85 000 000 теңге көлемінде тапсырыпты. Көпшілікке түсінікті болу үшін айта кетейін, 2014 жылғы 1 жылда төленген салықтың өзі Алматыдан 1000 орындық мектептен төртеуін салуға қаптал жететін ақша. Осындай айқайлап тұрған айғақтарға қарамастан арандатушы, пәлеқорлар компания салықтан жалтарды, қаржылық қитұрқылықтар жасады дегенді ашық та ишаралап та айтып жүр. Асқар іргесін қалаған аталған еңбек ұжымы шаңырақ көтерген 2002жылдан бері құзіретті мекемелер тарапынан талай мәрте тексерістен өтті. Құдайға шүкір марқұм досымыздың және ол басқарған ұжымның мемлекетіміз алдында жүзі жарқын, мерейі үстем болды. Тексерушілерге ілік болатын ешқандай заң бұзушық табылған жоқ.Мемлекетке үлес, қолдан келгенді беру Және отанға деген қалтқысыз адалдық деп осыны айтады. Компания белсенді салық төлеуші ғана емес, әлеуметтік-қайырымдылық шараларын да ерекше жомарттықпен жалғастырып келеді. Асқардың жары Жайна Жакулинаның ұлты қытай болғаныдығы себепті тырнақ астынан кір іздеп, оны күстаналап жүргендер мына бір шындықты да білу керек деп есептеймін. Асқар қайтыс болғаннан кейін оны еске алып отыру үшін және осы бір аты өшкір науқас онкологиялық аурулармен күресу үшін,  2016 жылы 14 наурызда Жайна Жакулинаның тікелей басышылығымен "Асқар Жакулин атындағы жеке қайырымдылық қоры" ашылды. Оның мақсаты онкологиялық аурулармен ауыратын балаларға көмек көрсету және балалар емханаларына  қайырымдылық  бағдарламаларын іске асыру болып табылады.  Бүгінгі күнге дейін қор "Қатерлі ісікке шалдыққан балаларға көмектесу, балалар емханаларына медициналық қондырғылар сыйлау" , одан басқа да қайырымдылық іс-шаралармен айналысып, жалпы құны 130 000 000 теңгеге тең болатын қайырымдылық қаржысын жұмсаған. 2017 жылы сәуір айында қордың көмегімен С.Д.Асфендияров атындағы Қазақ ұлттық университетінің "Ақсай" балалар клиникасының құлақ, мұрын, жұтқыншақ бөліміне жарық сәулесімен ота жасайтын СО2 инновациялық лазерлік аппарат қондырылды. 2018 жылы ШҚО, Семей қаласындағы ядролы медицинасы мен қатерлі ісік емханасына "Провайдер төсегі" (кескіндеу тәсілімен жақын аралықтан сәуле жіберіп емдейтін стол) табысталды. Осы екі іс-шарамен Қазақстан медицинасындағы бостықтың орнын толтырды. Барлық шығындарын төлеп дәрігерлердің білімін жетілдіруде арнайы шетелдерге жіберіп, Ресей мен Қытайдан мамандар шақырып, Қазақстандағы мұқтаж балаларға оталар жасатып, науқас балаларды шетелдерге жіберіп емдету сияқты қор жарғысындағы көрсетілген міндеттер өз деңгейінде жалғасын табуда. Бұлардан тыс, жетінші рет Жакула Күшікұлы атындағы олимпиада  биыл сәуір айында Өскемен қаласында өз мезгілінде, өз деңгейінде өткізілді.
Енді, бүгінгі күні «Компания Ас-Ай ЛТД» ЖШС және «Минметалс Казахстан» ЖШС-на жетекшілік етіп отырған марқұмның жары Жайна Жакулина туралы бірер сөз. Ол аталған компанияда еңбек ететін жүздеген қызметкердің ішіндегі ұлты басқа жалғыз азаматша. Адам пендесі өзінің қай жерде, қай ұлттың санатынан өмір есігін ашатынын таңдай алмайды. Тіпті, бұл өмірде кіммен бас құрап, отау көтеретініңді де болжай алмайсың. Сол себепті де қазақ «Неке -  ғайып» деп бекер айтпаған. Сол ғайыптың жазуымен басқа ұлттың қызы қазақтың жігітін сүйіп, өз тағдырын соған тапсырды. Және оның ғұмырлық шешімдері мен тілегіне бірде-бір рет қарсы келіп, қиянат жасамапты. Асқар ауыр науқасқа шалдығын ауру төсегіне таңылған азапқа толы 17 айда Жайна оның қасынан бір сәтке де алыстаған жоқ. Міне сол "жат жұрттың қызы" марқұм күйеуінің жұмысын дөңгелетіп, соның өсиетін орындап, марқұмның аруағы риза болсын деп тапқан табысын ізгілік жолында қайырымдылық шараларына жұмсап келеді. Және марқұмның ізін жалғаушы ұлы мен қызын Қазақстанда қазақтың тілі мен салт-дәстүрінен алыстатпай, нағыз қазақ етіп бағып-өсіріп жатыр. Өз тағдырын Қазақстанмен байланыстырған, өлсем осында жерлеңдер деп марқұм күйеуінің жанынан бақилық тұрағын дайындатып қойған сол қазақтың келінін істің байыбына бармай, ақ-қараны айырмай қаралап жатқандарға «Алла жазасын берсін!» дегеннен басқа айтарымыз жоқ.

1. ҚАБДЕШ ЖҮМӘДІЛОВ, Қазақстан республикасының халық жазушысы, мемлекеттік сыйлықтың иегері;                
2. НӘБИЖАН МҰХАМЕТХАНҰЛЫ, профессор, тарих ғылымының докторы;           

3.ӘРМИЯБЕК САҒЫНАДЫҚҰЛЫ, Қазақстан Жазушылар одағының мүшесі, сыншы;             

4.БАҚЫТ ЕЖЕНХАНҰЛЫ, профессор, тарих ғылымының докторы;             

5. АЛМАС АХМЕТБЕКҰЛЫ, ҚР мәдениет қайраткері, ақын;                   

6.РАҚЫМ АЙЫПҰЛЫ, ДЖҚҚ бас хатшысы;         

7.АЙГҮЛ ТҮРКИЯҚЫЗЫ, биология ғылымдарының кандидаты; 
           

09.07.2019 жыл.



АСҚАР ЖӘКУЛИН 
Бұл мен үшін қымбат есім. 
Ол туралы, оның тегі туралы, руxы, білімі, Іскерлігі, кісілігі, ұлтсүйгіштігі туралы айтсам таң атырар едім. 
     Оның әйелі - қазақтың қайсар келіні, азаматын ардақтаған, ұл-қызын аялаған аруана Жайна туралы да жан тебіренте жаза аламын. Ағалық, ақындық көңілмен ақтарыла аламын (Бұйырса, алдағы күндері). 
      Бұған әлем желідегі еркіндігін есерлігі басқан білімсіз бауырларымның бейпіл  бейне баяндары себеп болып жатыр.
       Қазірше мынаны қараңыз.








Басып шығару
марқұмның жаны жәннатта болсын ! артында қалған жақындары аман болсын ! қайырымдылықтары қабыл болсын ! жұрттың сөзіне мән берудің қажеті жоқ,ит үреді,керуен жылжи береді 

ұлтына қарап бөлінудің не қажеті бар ? бастысы балалары қазақ,қазақи тәрбие алып жатыр ,оның үстіне қаншама адамды жұмыспен қамтып отырған болса,оның ұлтының не маңызы бар ? 

Марқұмның жаны жәннатта болсын! Аққа Құдай жақ деген, қанша қазақ азаматтарын жұмыспен қамтыған, керісінше алғыс айтуымыз керек.

Әділдік тек Алладан болсын. Өзім дегенде, өзегінен теппесе екен қандастарымыздың. 

Марқұмның жаны жәннатта болсын. Әумин!

Қаншама қайыр істерді жасапты, Құдайым қабыл етші амалдарын. Анау арандатып жүргендерге айтарым Құдайдан қорқыңдар уақыт сағаты келген соң сендерде ана жақа аттанарсыңдар, бірақ  қай жақсылықтарыңмен барасындар. Әліде кеш емес Құдайдан кешірім сұрап марқұмның рухына дұға оқыңдар.



Маркумнын отбасына амандык тилеймин!

Почему люди такие злые? ведь он сделал много хорошего

Калай болмасын жаксы истин арты жаксылыппен битеди

Құдайым осы ағамыздың балаларына бақ берсін , әке жолын қуып жетістіктерге жете берсін

Марқұм отбасы аман болсын.Кеше фейсбуктада оқып едім осыны.
Осы соңғы кезде біреудің дүниесіне қызығушылар көбейіп кеткен сияқты.Өздерінің қолынан түк келмейді біреуге жала жауып ақша істегісі келеді. Ол бір арам тамақтылардың жазасын беру керек. Маңдайынан шоқпармен қойып талдыру керек онбағандарды.

Админ аналардың адресін жазып жіберші ән айтқызайын

Е сакен анау астында телефон номер тургой соган звандау керек адресин береди бермесе озинин адресин ал сындырамыз.Мен звандадым ошип тур

ол қайдан білсін техник ба бірдеңе

Пікір қосу
ЕСІМІҢІЗ:
E-Mail:
Код:
Кликните на изображение чтобы обновить код, если он неразборчив
Құпияны енгізіңіз:
Janalyqtar toptamasy
ҚАБДЕШ ЖҰМАДІЛОВТЫҢ СӘЛЕМІ15:21ҚАЗАҚ СӨЗІНІҢ ҚАЖЫМҰҚАНЫ09:50ҚАПТАҒАЙ БАТЫР ХАЛЫҚ САНАСЫНДА14:58Фонограммамен ән айтатын әншілерді шектейтін заң қолданысқа енбек00:16ҚОСАҚҚА КІРГЕН ҚОСАНОВПЕН СҰХБАТ. 2-БӨЛІМ15:25ҚОСАҚҚА КІРГЕН ҚОСАНОВПЕН СҰХБАТ. 1-БӨЛІМ20:37Атамбаевты ұстау операциясында арнайы жасақ өкілі қаза болды12:26Тұрғымбаев Нұр-Сұлтан көшелерінде Lexus LX 570 маркалы көлікпен жүр (фото)19:31Алматы аудандарында «Бақытты отбасы» аналарды қолдау орталықтары ашылуда19:13Ұзақ мерзімді құрылыстан есепте бар пәтерлерден екі есе көп баспана сатылған"- дейді үлескерлер19:03КіМНІҢ ҚАРЖЫСЫН КІМ ТАРТЫП ЖАТЫР?11:11100 миллиард теңгенің есебін беріңіз, Біртанов мырза!12:56Қазақстанда өнеркәсіп өнімдерін өндіруші кәсіпорындардың бағасы 2019 жылдың шілде айында өткен аймен салыстырғанда 0,8%-ке өсті17:20Алматы әкімдігінде қоғамдық көлік құрылымының мәселелері талқыланды15:33БІР ҚАРЫН МАЙ ЖӘНЕ ҚҰМАЛАҚ НЕМЕСЕ ПАМПЕРС ТУРАЛЫ ЖАРНАМА12:14«Мемлекет басшысының Жарлығымен Ғабидолла Рахметоллаұлы Әбдірахымов Шымкент қаласының әкімі қызметінен босатылды19:54Бұрынғы білім вице-министрі Суханбердиеваның 3 жасар ұлы қайтыс болды11:58ҚР Ұлттық мемлекеттік кітап палатасының ұжымы "Ұлы Абайға 175 жас" эстафетасын жалғастырды11:23Қырғызстанның ұлттық ақпарат агенттігінің тілшілері Абайдың «Ғылым таппай мақтанба» өлеңін жатқа оқыды11:11Нұр-Сұлтан қаласының жедел жәрдем бригадасы үздік деп танылды11:56Абайдың туғанына 175 жыл толуына орай оның шығармаларын оқу эстафетасы жалғасуда23:54Ел кубогінде жас спортшылардың аяқ алысы қуантты17:33Павлодарда өлке тарихын баяндайтын кітап жарық көрді10:46МЕМЛЕКЕТТІК КІРІСТЕР ОРГАНДАРЫНЫҢ ҚЫЗМЕТКЕРЛЕРІ АҚМОЛА ОБЛЫСЫНЫҢ КУРОРТТЫҚ АЙМАҚТАРЫНДА ТАБЫСТАРДЫ ТӨМЕНДЕТУДІ АНЫҚТАДЫ10:02Сирия бойынша Астана процесінің шеңберіндегі кезекті жоғары деңгейдегі халықаралық кездесу туралы09:53Ертіс өңірінде тұзды су ішіп өліп қалған бұлан табылды Барлық құқығы қорғалған.09:46"Тобол" командасының бас бапкер міндетін атқарушы болып белгілі футболшы Нұрбол Жұмасқалиев тағайындалды09:34Алматы әкімі Б.Сағынтаевтың көшелер мен аулаларды жарықтандыру бойынша берген тапсырмасы қалай орындалуда09:26Қалалық экоакция 27 шілдеде осы сенбіде өтеді14:45МЖӘ тетігі бюджетке жүктемені шектеуге бағытталған — А. Көбетов14:332019 жылдың І жарты жылдығында 560-тан астам МЖӘ келісімшарты жасалды14:18Ұлттық музейдің ұжымына жаңа директор таныстырылды14:12Иорданияның Амман қаласында таеквондодан жастар арасындағы Азия чемпионаты басталды14:07Саясаттанушы Алуа Жолдыбалина Ұлттық қоғамдық сенім кеңесінің өзіне елдің сенімі қалыптасып болмағанын айтты13:53Алматының 120 көшесінде жарық шамдары пайда болды13:48