Италияда Марадонаға ескерткіш қойылды

Италиялық «Наполи» футбол клубының басшылығы футболдан 1986 жылы Аргентина сапында әлем чемпионы, аты аңызға айналған даңқты футболшы Диего Марадонаның ескерткішінің салтанатты түрде ашылу рәсімін өткізді. 

Италияның Неаполь қаласында өткен іс-шараға ФИФА президенті Джанни Инфантино, 2006 жылы Италия сапында әлем чемпионы болған Фабио Каннаваро және 40 мыңнан астам көрермен қатысты. Ескерткіштің суреті клубтың әлеуметтік желілердегі ресми парақшаларында жарияланды. 

Марадона 2020 жылы 25 қарашада 60 жасында дүниеден өткен. Жүрегі тоқтап қалған футболшының үйіне келген тоғыз бірдей жедел жәрдем көлігі мен медицина қызметкерлері көмектесуге қауқарсыз болды.