Американдық ММА жекпе-жек шебері Джастин Гейджи Хабиб Нурмагомедов пен Тони Фергюсон арасындағы титулдық жекпе-жектің жеңімпазымен жұдырықтасуды жоспарлап отыр. Осыдан кейін ол UFC турнирінің бұрынғы чемпионы Конор Макгрегормен кездесуге ниетті.
"Титулдық жекпе-жек тағайындалған және жеңімпазмен біреу кездесуі керек. Бұл мен боламын. Менің жалғыз мақсатым - титул үшін күресу.
Хабибті жеңіп, Конормен кездесуде қолыма белбеу ұстап тұрғанымда маған көп ақша төленеді. Мүмкіндік болған кезде мен де дайын боламын", - дейді ол.
Америкалық спортшы 23 рет жұдырық түйістіріп, оның 21-ін жеңіпті. 18 рет қарсыласын нокаутқа жіберген. Ал өзі 2 рет нокаутқа түсіп, жауырыны жер иіскеген екен.