Қаскөйлер Алматыны жармақ болды

Тергеу мәліметінше, ұсталған адамдар республика аумағында, соның ішінде халық көп жиналатын жерлерде террористік актілер жасаған.

ҚР Ұлттық қауіпсіздік комитеті 2020 жылғы 14 ақпанда Алматы қаласында жүргізілген жедел-іздестіру шараларының нәтижесінде деструктивті діни ағымның екі жақтаушысы қамауға алынды, деп хабарлады ҰҚК баспасөз қызметі.

Ұсталғандардың тұрғылықты жерінде жүргізілген жедел-іздестіру іс-шаралары кезінде жарылғыш заттар, оны жасайтын бөлшектер, пышақтар тәркіленді.

Күдіктілерге терроризм актісіне дайындық (қылмыстық кодекстің 255-бабы) және терроризмді насихаттау фактілері бойынша қылмыстық іс қозғалды (Қылмыстық кодекстің 256-бабы). Тергеу мәліметінше, ұсталған адамдар республика аумағында, соның ішінде халық көп жиналатын жерлерде террористік актілер жасаған. 

Тергеу жалғасуда.