Қазақстанда бес адам «коронавирустық» белгімен ауруханаға түсті

Ауруханалар үшін медициналық маскаларды, сондай-ақ ауыр науқастарды тасымалдауға арналған құралдарды жедел сатып алу жүзеге асырылады.

Жедел респираторлы вирустық инфекциялар белгілерімен ауруханаға жатқызылған қазақстандықтардың саны артты, деді бас санитарлық дәрігер Жандарбек Бекшин брифингте.

«Таңертең 4 науқас ауруханаға жатқызылды, олардың екеуі бүгін Алматыда ауруханадан шығарылды.  Бір отбасы Ақмола облысында ауруханаға жатқызылды, өйткені олар Қытайға  барып келген. Олардың барлығында вирус белгілері бар, осы отбадан шыққан екі баланың қызуы жоғары. Ересектерде ерекше белгілер жоқ, бірақ олар қытайлықтармен байланыста  болғандықтан  ауруханаға жатқызылды », - деді Бекшин.

Сонымен қатар, оның айтуынша, ауруханалар  үшін әртүрлі типтегі медициналық маскаларды шұғыл сатып алу жүзеге асырылады, атап айтқанда 2,5 миллион кәдімгі медициналық маскалар сатып алынбақ.

«Бір реттік костюмдер, диагностикалық жабдыққа арналған шығын материалдар сатып алынады.  Тағы да қайталаймын, маскалар мен қорғаныш костюмдер, барлығына арналған дәрі-дәрмектер жеткілікті », - деп атап өтті бас санитарлық дәрігер.

Біз Қытайдан келгендердің барлығынан емханаларға барып, 14 күн бойы үздіксіз бақылауға тіркелуін сұраймыз. Әсіресе, қызуы бар адамдар. Қарау кезінде жедел респираторлы вирустық инфекциялардың белгілерін анықтаған кезде бізде әртүрлі диагностикалық әдістер бар. Егер тұмау немесе вирус анықталмаса, одан әрі диагноз қою үшін  үлгілерді Ресейге жіберуге келісім бар, - деп Бекшин қорытындылады.