Қазақстандағы қауіпті банандар туралы ақпарат жалған болып шықты

Денсаулық сақтау министрлігінің тауарлар қауіпсіздігін бақылау комитеті Қазақстандағы «қауіпті банандар» туралы ақпаратқа түсініктеме берді.

Ақпарат әлеуметтік желілерде және жедел хабар түрінде таратылды. Хабарламаның авторы жемістерді жегенде сақ болуға шақырады.

Қазақстан Республикасы Денсаулық сақтау министрлігінің тауарлар сапасы мен қауіпсіздігін бақылау комитеті бұл ақпараттың шындыққа жанаспайтындығын ресми түрде хабарлайды. Қазақстанда банан вирусын жұқтырған фактілер жоқ, деп хабарлады комитеттің баспасөз қызметі.