Жемқорларды байқап қалсаңыз, байыдым дей беріңіз!

Сыбайлас жемқорлыққа қарсы іс-қимыл агенттігінің төрағасы Алик Шпекбаев парақорлар жәйлі хабарлаған куәгерлерді  ынталандыру шаралары туралы айтты.


«Үкімет Президенттің тапсырмасын іске асыру мақсатында сыбайлас жемқорлық фактілері бойынша хабарламалар үшін азаматтарды көтермелеудің жаңа жүйесі туралы қаулыны бекітті. Енді ЭЫДҰ қатарындағы көптеген елдердегі секілді сараланған сыйақы болады», - деді А.Шпекбаев 2019 жылдың қорытындысына арналған агенттіктің алқа мәжілісінде.

Осы орайда ол сыбайлас жемқорлық фактісі туралы хабарлаған адам соттың айыптау үкімінен кейін пара сомасының 10 пайызын алатынын жеткізді. Жемқорлық туралы хабарлағандарға берілетін ең жоғарғы сыйақы көлемі 10,6 млн теңге болмақ.

«Ең жоғары сыйақы мөлшері 10 млн 600 мың теңгені құрайтын болады. Бұл жаңашылдықтар азаматтарды жемқорлықпен нақты күреске барынша тартуға елеулі серпін береді деп есептейміз», - деді агенттік басшысы.



Сондай-ақ оқыңыз

Пікір қалдыру

Тек тіркелген пайдаланушылар пікір жаза алады.
Тіркеуден өтіңіз немесе кіріңіз