4 мыңнан астам адам шекара асты

Күні кеше 4 мыңға жуық адам «Кен-Булун» автожолы арқылы Қырғызстан-Қазақстан шекарасын кесіп өтті.

Қырғызстанның шекара қызметі бұл жағдай туралы еш пікір білдірмеді.

Тоқмақ қалалық кеңесінің депутаты Юсуп Ваншудың айтуынша, Қырғызстанға келушілердің басым бөлігі  7 ақпанда тәртіпсіздік орын алған қазақ ауылдарынан екені аныықталған.

Қырғыз Республикасының дүнген диаспорасындағы туыстарының үйіне келгендердің айтуынша, олардың  үйлерін өртеген және  тұруға жер таппаған.

Келушілердің негізгі бөлігі әйелдер, балалар мен қарттар.

7 ақпанда кешке Жамбыл облысының Масанчи ауылында болған төбелестің видеосы әлеуметтік желілерде таралды. Президент Қасым-Жомарт Тоқаев оқиғаға қатысты мәлімдеме жасады.

8 ақпанда Нұр-Сұлтанда өткен брифингте 7 ақпан күні кешкі 19: 00-де Қордай ауданы шетінде топтық төбелесті бастаған 70-ке жуық тұрғындар жиналғандығы белгілі болды. Жаппай төбелес кезінде сегіз адам қаза тауып, 40-тан астам адам жарақат алды. Алдын ала мәліметтер бойынша, тәртіпсіздіктер салдарынан 30-дан астам жеке үй, 15 сауда нысаны және 23 автокөлік зақымдалған. 47 адам ұсталып, полиция бөліміне жеткізілді, екі аңшы мылтығы тәркіленді. Осыған байланысты Президент қайтыс болған азаматтардың  туыстарына шын жүректен көңіл айтып, бірқатар тапсырмалар берді.