Мамин: Президент қойған барлық міндеттер нақты орындалуы керек

Үкімет Мемлекет басшысының тапсырмаларын орындау жөніндегі шараларды қарастырды.

Премьер-Министр Асқар Маминнің төрағалығымен өткен Үкімет отырысында Қазақстан Республикасының Президенті Қасым-Жомарт Тоқаевтың 24 қаңтарда кеңейтілген Үкімет отырысында берген тапсырмаларын орындау шаралары қаралды.

Бұл отырысқа  Ұлттық экономика министрі Р.Дәленов, Ұлттық банктің төрағасы Е.Досаев, Қаржы нарығын реттеу және дамыту агенттігінің төрағасы М.Әбілқасымова, Премьер-Министрдің бірінші орынбасары - Қаржы министрі А. Смайылов, сондай-ақ Премьер-Министрдің орынбасары Р.Скляр жасады және  Б. Сапарбаев қатысты.

Мемлекет басшысының тапсырмаларын іске асыру жөніндегі Үкіметтің кешенді шараларына 2020 жылдың соңына дейін мемлекеттік аппараттың құрылымын оңтайландыру, бәсекелестікті қорғауды күшейту, техникалық реттеу туралы заң жобасын дайындау, ұлттық сертификаттау жүйесін дамыту, 2020 жылдың бірінші жартыжылдығында салық жүйесін реформалау, сауда саясатының бағдарламасын әзірлеу кіреді. 2025 жылға дейін, 2020 жылы бизнестің бірыңғай ақпараттық қызметке қол жетімділігін қамтамасыз ету және т.б. міндеттемелер жүктелген.

«Президент Қасым-Жомарт Кемелұлы Тоқаев қазақстандықтардың нақты ақшалай табысы мен өмір сүру сапасын арттыру жөніндегі Елбасымыз Нұрсұлтан Назарбаев қойған стратегиялық мақсаттарға қол жеткізуге бағытталған бірқатар нақты тапсырмалар берді» , - дейді А. Мамин.

Премьер-Министр инвестицияларды белсенді тарту, экономиканың шикізаттық емес секторларын, шағын және орта бизнесті дамыту, сондай-ақ жаңа жұмыс орындарын ашу  керектігін атап өтті.

«Ұлттық экономика министрлігі Мемлекет басшысының тапсырмаларын орындау бойынша бірқатар шаралар ұсынды. Жауапты және мерзімі анықталған. Енді келісілген жұмысты ұйымдастыру керек. Президент қойған барлық міндеттер нақты орындалуы керек. Мемлекеттік органдардың бірінші басшылары жеке жауапкершілікте болады» , - деді А. Мамин.

Қазақстан Республикасы Президентінің бюджеттің өндірістік емес шығындарын азайту туралы тапсырмасын орындау аясында Үкімет басшысы министрлерге, облыс әкімдері мен ұлттық компаниялардың басшыларына бір апта ішінде Қаржы министрлігіне тиісті ұсыныстар жіберуді тапсырды.