Берік Имашевтің ұлы қызметінен босатылды

ҚТЖ – жүк тасымалы бас директорының экономика және қаржы жөніндегі орынбасары Әлжан Имашев қызметінен кетті.

Әлжан Имашев – Қазақстан орталық сайлау комиссиясының төрғасы Берік Имашевтың ұлы, Нұрали Әлиевтің әйелі Аида Имашеваның інісі.

Нұрали Әлиев тұңғыш президенттің қызы Дариға Назарбаеваның ұлы.

Бүгінде Назарбаев әулетінен бірқатар адам қызметтерінен босатылды.

Айта кетейік, 15 қаңтарда Назарбаевтың екі күйеу баласы – "ҚазТрансОйл" АҚ басқарма төрағасы Димаш Досанов пен "ҚазТрансГаз" ҰК" АҚ басқарма төрағасы Қайрат Шәріпбаев қызметтерінен босатылған.

Сондай-ақ кеше президент Қасым-Жомарт Тоқаев Назарбаевтың туысы Самат Әбішті ҰҚК төрағасының бірінші орынбасары қызметінен босатты. 

Нұрсұлтан Назарбаевтың ортаншы қызы Динара Назарбаеваның күйеуі Тимур Құлыбаев та кеше "Атамекен" Ұлттық кәсіпкерлер палатасы төрағасы қызметінен кеткен.