Кері қайту
Басып шығару
Бокстан Қазақстан ұлттық құрамасы әлем чемпионатынан елге оралды
Бокстан Қазақстан ұлттық құрамасы әлем чемпионатынан елге оралды. Ел абыройын асқақтатқан спортшыларды елордада жанкүйерлер ыстық ықыласпен күтіп алды.
Отандық былғары қолғап шеберлері Сербия астанасы Белградта өткен әлем чемпионатынан екі алтын, екі күміс және бір қола жүлдемен елге оралды, -деп жазды Olympic.kz.
Бас бапкер Қайрат Сәтжанов бастап барған құрама әлем чемпионатының қорытындысы бойынша жалпы медаль кестесінде екінші орынға жайғасты.
Өз кезегінде бас бапкер құраманың нәтижесіне көңілі толатынын айтса, жеңімпаз және жүлдегер атанған спортшылар жанкүйерлер қолдауын ерекше сезінгенін жасырмады.