Тоқаев Алтын Орда мәселесін қозғады

Мемлекет басшысы Қарағанды облысына жұмыс сапарымен барып, Ұлытау ауданындағы «Жошы хан» тарихи-мәдени кешенін аралап көрді.
Президентке Жошы хан кесенесі, мұражай, Жошы хан ескерткіші, жорық шатыры және қонақ үйден тұратын кешеннің заманауи технологиялық мүмкіндіктері мен қордағы құнды жәдігерлер таныстырылды.

Тоқаев қасиетті тарихи нысанның үнемі ғалымдардың назарында болып, ғылыми айналымға түсуі керек екенін айтты.
Облыс әкімі Жеңіс Қасымбек өңірдің туристік әлеуеті туралы баяндама жасап, Президентке курорттық аймақтар мен тарихи-мәдени кешендерді дамыту жоспарын ұсынды.