Қызылорда маңында Ан-2 ұшағы құлады

Қызылорда маңында Ан-2 ұшағы апатқа ұшырады. Оқиға 4 шілдеде сағат 07.00 шамасында Қызылорда қаласы, Қарауылтөбе ауылынан 12 шақырым жерде болған. Төтенше жағдайлар министрлігінің мәліметінше, Ан-2 ұшағы күріш алқаптарын өңдеу кезінде құлаған.

«Шұғыл қону кезінде техникалық ақаулардың салдарынан ұшып шыққаннан кейін бірнеше шақырымнан соң ұшақ далаға құлады. 1954 және 1967 жылы туған екі ұшқыш болды. Олар ауруханаға жеткізілді. Алдын ала мәліметтер бойынша, жағдайлары қанағаттанарлық деп бағаланады, деп хабарлады департамент.

Ұшақ «Илиса» ЖШС-не тиесілі. Азаматтық авиация комитеті 4 шілдеде сағат 07.50-де әуе кеңістігінде мемлекеттік нөмірі UP-A0135 Ан-2 ұшағының апатқа ұшырағаны туралы ақпарат түскенін хабарлады. Ұшақ авиациялық химиялық жұмыстарды орындаған.  Бортта 2 адам болған, зардап шеккендер жоқ, жарақат алғандарға медициналық көмек көрсетілді.

Көлік полициясы департаментінің баспасөз қызметі шұғыл қондыру фактісі бойынша қылмыстық іс қозғады.