ҚР Ақпарат және қоғамдық даму министрлігі аппаратының басшысы тағайындалды

ҚР ақпарат және қоғамдық даму министрінің бұйрығымен Айжан Болатқызы Шайназарова ҚР Ақпарат және қоғамдық даму министрлігі аппаратының басшысы лауазымына тағайындалды. Бұл туралы ҚР Премьер-Министрінің баспасөз қызметі хабарлады. 

Айжан Шайназарова 1971 жылы Алматы қаласында дүниеге келген.  Санкт-Петербург мемлекеттік университетін, ҚР Президенті жанындағы Мемлекеттік басқару академиясының ұлттық мемлекеттік саясат мектебін бітірген, Дьюк университетінде тағылымдамадан өткен. 

1999-2001 жылдары — Л. Н. Гумилев атындағы ЕҰУ аға оқытушысы.  2001-2004 жылдары — ҚР Мәдениет, ақпарат және қоғамдық келісім министрлігінің Ұйымдастыру жұмысы және әлеуметтік технологиялар департаментінің талдау және мониторинг орталығының бас маманы, басшысы. 

2004 жылғы ақпан-желтоқсан аралығында — ҚР ақпарат министрлігінің Әлеуметтік технологиялар департаментінің талдау және мониторинг орталығының бастығы. 

2004-2021 жылдары ҚР Президенті Әкімшілігінде түрлі қызметтер атқарған. 2021 жылдың ақпан айынан бастап қазіргі таңға дейін Нұр-Сұлтан қаласы Есіл ауданы әкімінің орынбасары қызметін атқарды.

Сурет: primeminister.kz