«Арнайы жазылған»: КСРО-ның күйреуіне себеп болған ән аталды

Неміс журналисі Владимир Каминер T-online порталында американдық ЦРУ қызметкерлері Scorpions тобының Wind Of Change (ағылш. «Өзгерістер желі») әні арқылы КСРО-ның ыдырауына жағдай жасады, деп жазды.  

Каминер 1967 жылы Мәскеуде дүниеге келген. Оның пікірінше, Кеңес Одағының ыдырауының басты себебі – 1989 жылдың Батыс музыкалық жұлдыздары, соның ішінде Scorpions тобы өнер көрсеткен Мәскеу музыкалық фестивалі болды.

«Аңыз бойынша, осы іс-шарада Scorpions тобы өздерінің Wind Of Change әнін шырқады, ол, әрине, ресейлік телеарналардан көрсетілді. Бұл ән адамдарға жаңа бір дүние ұсынып, тайгадағы өрт сияқты тарады. Енді ешкімнің баяғыша өмір сүргісі келмеді. Көп ұзамай Кеңес одағы ыдырады», - деп жазды Каминер.

Каминердің айтуынша, ЦРУ-дың бір қызметкері Кеңес Одағын ыдырату үшін  арнайы әндер жазылғанын мойындады. Композиция "жауынгерлік поэзия" деп аталатын арнайы бөлімде жасалған. Каминер мұндай ақпарат таратқан ЦРУ агентінің атын атаған жоқ.