Кері қайту
Басып шығару
«Самұрық-Қазына» неге Қытай вакцинасын сатып алды?
«Самұрық-Қазына» әл-ауқат қоры «Синофарм» деп аталатын Қытай вакцинасының 1 млн дозасын сатып алды.Бұл жайтқа қатысты Денсаулық сақтау министрлігі пікір білдірді. Қолда бар препарат 500 мың адамға салынады деп жоспарланған. Бірінші кезекте қор қызметкерлері мен олардың отбасылары егіледі.
Телеарна мәліметінше, «Самұрық-Қазына» компаниялар тобына 300-ге жуық кәсіпорын кіреді. Онда 276 мыңдай адам еңбек етеді.
«Мемлекет басшысының тапсырмасын орындау мақсатында «Самұрық-Қазына» коронавирусқа қарсы вакцинаның 1 млн дозасын сатып алды. Вакцинаның түрі, оны сатып алу, жеткізу және тарату жұмыстарымен «СК Фармация» және Денсаулық министрлігі айналысады. Қор өз қызметкерлерінің қауіпсіздігін басты орынға қойып отыр. Алдағы уақытта жаппай егу жұмыстарын жүргіземіз», - деді «Самұрық-Қазына» ҰӘҚ PR-қызметінің жетекшісі Марат Мұхамедсәлиев.