Кері қайту
Басып шығару
Қазақстанда сайлауға алты партия өтті
Орталық сайлау комиссиясы Мәжіліс пен мәслихат сайлауына қатысатын партиялардың тізімін жариялады
"Әділет министрлігі саяси партияларға қатысты тіркеуші орган қызметін атқарады. 2020 жылдың қарашасындағы жағдай бойынша, алты саяси партия тіркелді.
Nur Otan партиясы, "Ақ жол", Қазақстанның Коммунистік халық партиясы, "Ауыл", "Бірлік" және Жалпыұлттық социал-демократиялық партиясы. Аталған партияларды қайта ұйымдастыру, тарату туралы мәліметтер жоқ. Барлық партияның құрылымдық бөлімшелері бар", - деді әділет вице-министрі Наталья Пан Орталық сайлау комиссиясының отырысында.
ОСК мүшелері қазақстандық алты саяси партияның сайлауға қатысуына бірауыздан дауыс берді.
Барлық алты партия да мәслихатқа сайлауға жіберілді, алайда "Бірлік" Шымкент пен Түркістан облысындағы мәслихат депутаттарының сайлауына қатыса алмайды.
Әділет вице-министрі "Бірлік" партиясының 16 филиалы бар екенін атап өтті, алайда Шымкент пен Түркістан облысында филиалдары жоқ.
"Бірлік" саяси партиясы" қоғамдық бірлестігінің Оңтүстік Қазақстан облыстық филиалы Шымкентте орналасқан. Қолданыстағы заңнамаға сәйкес, атаудың өзгеруіне байланысты филиалды қайта тіркеу рәсімі қатысу сипатында болады", - деді Пан.
Мәжіліс пен мәслихат депутаттарын сайлау 2021 жылы 10 қаңтарда өтеді.