Кері қайту Басып шығару

Бас прокуратура пилоттық жобаны бастады

Бұл жоба Президенттің Жолдауында айтылған азаматтардың конституциялық құқықтарына әсер ететін шешімдерді 2021 жылдан бастап прокурорлармен келісу туралы тапсырманы орындау аясында енгізілуде.

Пилот барысында келісу электронды форматта жүргізіледі, бұл бұзушылықтардың дереу жолын кесуді қамтамасыз етеді және жазықсыз азаматтарды қылмыстық процесс шеңберіне тартуға жол бермейді. Қазіргі уақытта мұндай механизм Павлодар облысы мен ШҚО-да сынақтан өткізілуде. Ағымдағы жылдың 1 қазанынан бастап оған еліміздің барлық өңірі қосылады, - делінген ақпаратта.

Осыған байланысты аумақтық прокуратуралар басшыларына заңдылықты бұзудың жолын кесу және кінәлі адамдарды жауапкершілікке тарту жөнінде толық шаралар қабылдау туралы міндет қойылды.
Сонымен қатар, сапар аясында Бас Прокурор облыс әкімі және өңірдің құқық қорғау органдарының басшылық құрамының қатысуымен қылмысқа қарсы күрес және құқық бұзушылықтың алдын алу мәселелері бойынша кеңес өткізді.