Ең үздік елдердің рейтингі жарияланды

Әлемнің ең үздік елдерінің рейтингінде Қазақстан Гватемала мен Гана арасында орналасқан 66 орынға ие болды.

Жыл сайын US News & World Report әлемдегі ең үздік елдердің рейтингін жариялайды.  Олардың мәліметтері бойынша 2020 жылы Швейцария ең үздік мемлекет атанды. Үздік елдердің алғашқы бестігіне Канада, Жапония, Германия және Австралия кіреді. Үздік ондыққа сонымен қатар Ұлыбритания, АҚШ, Швеция, Нидерланды және Норвегия кірді.

 Рейтинг тоғыз көрсеткіш негізінде жасалды:

1) кәсіпкерлікті дамыту;
 2) туристер танымалдығы;
 3) адам құқықтарын қорғау, экология және гендерлік теңдік;
 4) мәдени ықпал;
 5) тарихи мұра;
 6) даму әлеуеті;
 7) бизнес;
 8) әскери күш;
 9) өмір сапасы.

Қазақстан өз кезегінде 2 сатыға жоғарылап, Гватемала (65 орын) мен Гана (67 орын) арасында 66 орынға ие болды. Сонымен қатар, Қазақстан Ресейден (23 орын) және Әзірбайжаннан (61 орын) рейтинг бойынша қалып келеді.