Кері қайту
Басып шығару
Президент кеңесшісі жаңа тағайындаулар туралы пікір білдірді
Қазақстан Республикасының Президенті Қасым-Жомарт Тоқаев мемлекеттік қызмет жүйесіне жаңа басшыларды әкелуде. Бұл туралы Президент кеңесшісі Ерлан Қарин өзінің Телеграм арнасында мәлімдеді.
Оның жазбасында былтыр мемлекет басшысының бастамасымен мемлекеттік жастар резервіне алынған 300 азаматтың 150-і мемлекеттік және квазимемлекеттік секторларда жұмысқа орналасып үлгергені туралы айтылған.
«Бүгін Шымкент қаласы әкімінің орынбасары болып Президенттік жастар резервінің өкілі Айбек Саттыбаев тағайындалды. Бұдан бөлек, кеше Шымкент қаласы әкімінің бірінші орынбасары болып Ұлттық сенім кеңесінің мүшесі Шыңғыс Мұқан тағайындалды. Шыңғыс Мұқан Ұлттық сенім кеңесінің мемлекеттік қызметке алынған алғашқы мүшесі емес. Бұған дейін Бағдат Мусин осы кеңестен Президенттің кеңесшісі қызметіне алынып, қазір Цифрлық даму, инновация және аэроғарыш өнеркәсібі министрі (вице-министр) қызметін атқарып жүр. Ал Берік Әбдіғалиұлы 2019 жылдың қазан айында Қарағанды облысы Ұлытау ауданының әкімі болып, Максим Споткай Парламент Сенаты аппаратының жетекшісінің орынбасары болып тағайындалды», - деді Қарин жазбасында.
Осындай қарқынмен Президент қоғам жастары арасынан білікті мамандарды мемлекеттік қызметке әкеліп, басшылық қосынды жаңарту бастамасын жүзеге асырып жатыр.