Тоқаев: Адам өлімінен пайда көргендерді тәртіпке салуға бір күн уақыт беремін!

Президент Қасым-Жомарт Тоқаев аймақ басшыларына қайтыс болған қазақстандықтар арқылы пайда тапқысы келген алаяқтарды жазалауды бұйырды. 
Мемлекет басшысы аталмыш алаяқтардың адамдықтан аттап, халықты адастырып отырғанын жеткізді. Мұндай қиын жағдай мәйітханалар мен жерлеу агенттіктерінде орын алған. 
Тоқаев науқастар санының өсуі елдің инвестициялық жағдайына, туристік әлеуетіне, жаңа технологияларды ішкерілендіруге кері әсер ететінін айтты. 
Сонымен қатар, президент пандемия кезіндегі кез келген қате әрекет, бюрократиялық барьерлер, жауапкершіліктің болмауы жүздеген азаматтың ажал құшуына себеп болатынын жеткізді.