Карантинді бұзғаны үшін салынатын айыппұл көлемі белгілі болды

Алғаш рет карантинді бұзғаны үшін айыппұл 83 мың теңгені құрайды. Оқиғаның салдарына байланысты қылмыстық жауапкершілікті де қолдануға болады.

ҚР Әділет министрі Марат Бекетаев карантин кезеңінде той  өткізетін азаматтарды жаза күтіп тұрғанын еске салды.

Ол карантинді бұзушылар Әкімшілік құқық бұзушылық туралы кодекстің 425-бабы бойынша жазаланатынын айтты.  Алғаш рет айыппұл 83 мың теңгені құрайды.

 "Түсінулеріңіз керек, егер мереке жаппай вирус жұқтыруға әкелсе, айыппұл әлдеқайда жоғары болады. Ал егер оқиғаның арты теріс салдарға әкеп соқтырса, онда қылмыстық жауапкершілікке тартылуы мүмкін", - деді брифингте Әділет министрлігінің басшысы.