Ресей: 23 қаңтардағы митингіден кейін қылмыстық іс қозғалды
Оппозиционер Алексей Навальныйды қолдауға арналған 23 қаңтардағы митинг кезінде Ресейдің екі қаласында жол жабылғаны үшін қылмыстық істер қозғалды. ІІМ мәліметінше, митинг кезінде жол жабылғандықтан «жол қозғалысы тоқтап, көлік байланысы тоқтатылып, басқа да салдары болған».
Ішкі істер министрлігінің бас басқармасының мәліметінше, Мәскеудегі жолдардың жабылуына байланысты көлік жолдарының жарамсыздығы туралы қылмыстық іс қозғалды.
«Мәскеу аумағында байланыс жолдарын жарамсыз етпек болған бірқатар адам жаяу жүргіншілер мен көлік құралдарына арналған жолдар мен тротуарлардың жабылуына себеп болды, бұл жол қозғалысын тоқтатуға және көлік инфрақұрылымы объектілері мен Мәскеу көше-жол желісінің көлік коммуникацияларын бұғаттауға әкеліп соқты», - делінген хабарламада.
Бұл баптың санкциясы бойынша, 100 мыңнан 300 мың рубльге дейін айыппұл не 240 сағаттық міндетті жұмыс, не бір жылға дейін мәжбүрлеп жұмыс істеу, не сол мерзімге бас бостандығынан айыру жазасы қарастырылған.