Психиатриялық сараптамадан өтетіндей Атамбаевқа не көрінді?

Алмазбек Атамбаев пен Кой-Таш ауылындағы тәртіпсіздіктерге қатысты күдіктілерге сот-психиатриялық сараптама тағайындалды, деп хабарлайды жергілікті БАҚ Қырғызстан Ішкі істер министрлігіне сілтеме жасап.

Қазір ІІМ-нің тергеу қызметі Шу облысының Аламедин ауданындағы Қой-Таш ауылында адамды кепілге алу және тәртіпсіздіктер фактісі бойынша сотқа дейінгі тергеу амалдарын жүргізуде.  Сот отырысы аясында бұрынғы мемлекет басшысы мен басқа күдіктілер, оның ішінде Жоғарғы Кеңестің екі депутаты психиатриялық тексеруден өтуі керек.

Бұған дейін Атамбаевтың жақтаушысы, депутат Ирина Карамушкина әлеуметтік желілерде өзіне және Әсел Кодурановаға осы тексерістен өтуге тағайындалғанын хабарлады.  Олар 7 тамызда бұрынғы президент Алмазбек Атамбаевтың үйінде адамдарды кепілге ұстап отырды қатысты деген күдікке ілініп отыр. Сот шешімімен олар үй қамауына алынды.

Еске салайық, 7 тамызда кешке қырғыз арнайы жасақтары Қой-Таш ауылындағы Атамбаевтың үйіне шабуыл жасай бастады.  Екі күндік операция нәтижесінде арнайы жасақ қызметкері қаза болып, ондаған адам жарақат алды.

Кейіннен Қырғызстанның экс-президентін тұтқынға алып, тәртіпсіздіктер ұйымдастырды, қару-жарақ сатты, тергеуге кедергі келтірді және кісі өлтірді деп айыптады.

Қырғызстандағы ең ірі парламенттік социал-демократтар партиясының жетекшісі Атамбаев билікті өзінің мұрагері және жақын одақтасы Сооронбай Жээнбековке 2017 жылы президент сайлауының қорытындысы бойынша берді.  Алайда көп ұзамай экс-президент командасының мүшелеріне қатысты қылмыстық іс қозғалып, Атамбаевты экс-президент мәртебесінен айырды және ауыр қылмыстар жасады деп айыптады.