Испания: Коронавирусқа байланысты төтенше жағдай жарияланды

Испания үкіметі коронавирусқа байланысты төтенше жағдай жариялады. Олар оны 2021 жылдың мамырына дейін ұзартқысы келеді.

Мұндай шешім қатаң карантиндік шектеулерді енгізу үшін құқықтық негіз құру мақсатында қабылданғаны атап өтілді. Төтенше жағдай режимі кем дегенде екі аптаға жалғасады деп күтілуде.

Сонымен бірге, әрі қарай ұзарту үшін Испания конституциясына сәйкес парламенттің тиісті шешімі қажет болады.  Корольдіктің премьер-министрі Педро Санчестің сөзіне қарағанда, парламент төтенше жағдайды 9 мамырға дейін ұзартуға мүмкіндік береді деп үміттенеді. Өйткені, қазір «Еуропа мен Испания пандемияның екінші толқынының эпицентрінде».