Ресей әлемде бірінші болып коронавирусқа қарсы вакцинаны тіркеді

Ресей Федерациясының Президенті Владимир Путин үкімет мүшелерімен кездесіп, Ресейде коронавирустық инфекцияға қарсы әлемдегі алғашқы вакцинаның тіркелгенін жариялады.

"Менің білуімше, бүгін таңертең әлемде алғаш рет коронавирустық инфекцияға қарсы вакцина тіркелді", - деді Президент.

Путин Денсаулық сақтау министрлігінің басшысы Михаил Мурашкодан бұл туралы егжей-тегжейлі хабарлауды өтінді.

Мен бұның өте тиімді жұмыс істейтінін, тұрақты иммунитетті қалыптастыратындығын білемін және вакцина барлық қажетті тексерулерден өткенін қайталаймын, - деді Ресей басшысы.
 
Путин уақыт өте келе әлемде коронавирусқа қарсы көптеген вакциналар пайда болады деп үміттенеді. Жақында коронавирустық вакцинаның жаппай өндірісі басталады. Оның айтуынша, егу ерікті түрде жүргізілуі керек.