Ресейдің Қазақстанмен шекаралас аймағында құс тұмауы анықталды

Қазақстанмен шекаралас Ресейдің Челябі облысында құс тұмауының таралуы тіркелді. Елді мекендер аумағында карантин енгізілді. Бұл туралы Россельхознадзордың аймақ бойынша департаментінің баспасөз қызметі хабарлады.

Бөлімнің мәліметтеріне сәйкес, Увельский ауданының Песчаное және Табыньша көлдерінің жағасынан өлі құстардың денелері (жабайы үйрек және төрт үй қазы) табылды. Барлығынан құс тұмауы вирусының H5N8 кіші белгісі анықталды. 

«Облыста құс тұмауының ошағы тіркелді. Осы көлдердің жанында орналасқан қолайсыз елді мекендерде, эпизоотиялық ошақтарда, қауіпті аймақтар анықталды.  Аудандарда құс тұмауымен күрес ережелеріне сәйкес шаралар қабылдануда», - делінген хабарламада.

Дүниежүзілік денсаулық сақтау ұйымының мәліметтері бойынша құс тұмауы - құстардың инфекциялық вирустық ауруы және оның көбінесе айқын белгілері жоқ. Кейбір жағдайларда вирус адамдар мен жануарларда ауру немесе симптомсыз инфекция тудыруы мүмкін.