Ухань лабораториясының жетекшісі вирустың таралуы туралы айтты

Ухань вирустық зертханасының директоры, профессор Юань Чжимин коронавирустық инфекцияның таралуы туралы ақпаратқа түсінік берді.

Дәрігердің айтуынша, оның рұқсатынсыз, тіпті масаның өзі лаборатория ғимаратына кіре алмайды, өйткені мекеме барлық қауіпсіздік шараларын қамтамасыз еткен.

«Кейбіреулердің айтуынша біз жануарлармен тәжірибе жасап жатырмыз немесе бұл жануарлар лабораториядан кетіп қалуы мүмкін деген кезде, олар біздің зертханамыздың жұмыс істеуі туралы білген жоқ. Біздің қызметкерлеріміздің ешқайсысы институттан бір тамшы суды да ала алмайды.»  - деді ол Қытайдың мемлекеттік CGTN телеарнасында.

Қытай ғылым академиясындағы Ухань ұлттық биологиялық қауіпсіздік зертханасы P4 зертханасы деп те аталады.  Мұнда Эбола сияқты өте қауіпті вирустардың 1,5 мыңнан астам штаммдары сақталған.

Бұған дейін британдық бұқаралық ақпарат құралдары зерттеудің нәтижелерін жариялаған болатын, оның нәтижесі бойынша, Қытайда 2012 жылы SARS-CoV-2 генетикалық тұрғыдан жақын вирус пайда болуы мүмкін болған.

Зерттеу авторлары өлімге әкелетін вирустың үлгілері Уханьдағы вирусология институтында алты жылдан астам уақыт сақталған деп мәлімдейді. Олар коронавирустың бастапқыда RaBtCov / 4991 деген атпен зерттелгенін, содан кейін ол RaTG13 деп өзгертілгенін айтады.
 
8 мамырда АҚШ президенті Дональд Трамп жаңа коронавирус қытайлық зертханадан шықты деп болжады. Сәуір айының ортасында Fox News коронавирус жұқтырған алғашқы пациент Ухань вирусология институтында зертхана қызметкері болғанын хабарлады.