Қытай коронавирусты АҚШ таратты деп мәлімдеме жасады
Қытай Халық Республикасының Сыртқы істер министрлігінің ресми өкілі Чжао Лицзянь өткен жылдың желтоқсан айында Ухань қаласынан басталған коронавирустың жаңа түрін америкалық әскерилер таратты деп мәлімде жасады.
«АҚШ-та алғашқы науқас қашан пайда болды? Қанша адам жұқтырды? Олар қандай ауруханаларға жатқызылды? Меніңше, дәл осы америкалық әскерилер Уханьға эпидемияны алып келді. Ашық болыңыздар! Барлық мәліметтерді көрсетіңдер! АҚШ бізге осыны түсіндіруі тиіс!» - деді шенеунік.
Қытайдың сыртқы істер саясатының өкілі коронавирустың жаңа түрі америкалық әскерлермен қалай келуі мүмкін екені туралы жарытып ештеңе айтпады.
Қазір коронавирусты 118 мың адам жұқтырып, 4,3 мың адам қаза тапқан. Бүкіләлемдік денсаулық сақтау ұйымы коронавирусты пандемия деп жариялады.